U anałahičnaj situacyi buduć i rasijanie.
Saviet Respubliki ratyfikavaŭ dahavor z Rasijaj, jaki rehuluje paradak uzajemnaha vykanańnia rašeńniaŭ sudoŭ pa alimientach.
Ciapier sudovyja vykanaŭcy dźviuch krain zmohuć pačynać vytvorčaść u vypadku najaŭnaści źviestak ab pracaŭładkavańni daŭžnika navat pry adsutnaści dadzienych ab jaho rehistracyi pa miescy žycharstva, paviedamlaje pres-słužba Savieta Respubliki.
Heta značyć, što biełarusam z rehistracyjaj na radzimie bolš nie ŭdasca schavacca ad alimientaŭ, źjechaŭšy pracavać u Rasieju. Anałahičny pryncyp budzie dziejničać i ŭ dačynieńni da rasiejcaŭ, jakija pajeduć na pracu ŭ Biełaruś.
Raniej dla spahnańnia alimientaŭ było nieabchodna, kab niepłacielščyk byŭ zarehistravany pa miescy žycharstva. Ciapier ža sudovyja vykanaŭcy buduć uličvać dadzienyja pracoŭnaj knižki, alimienty buduć vyličvać pa fakcie pracaŭładkavańnia.
Taksama dahavor pazbaŭlaje sudovych vykanaŭcaŭ ad abaviazku vypisvać novy vykanaŭčy list u vypadku, kali płacielščyk alimientaŭ źmianiaje pracu. Ciapier stary vykanaŭčy list budzie praciahvać dziejničać pry pierachodzie płacielščyka ŭ inšuju arhanizacyju.
Ciapier čytajuć
Ihar Tur patraciŭ minimum 30 tysiač na premijalnuju kuchniu FOTA23
Ihar Tur patraciŭ minimum 30 tysiač na premijalnuju kuchniu FOTA
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary