Biełarus z rasijskaha minoru zabiŭ adzin z samych chutkich hałoŭ u historyi futbołu
24-hadovy Mikałaj Ivanoŭ prabiŭ pa varotach supiernika adrazu paśla rozyhryšu miača z centra pola.
Biełaruski paŭabaronca piacihorskaha «Mašuka-KMV» Mikałaj Ivanoŭ zabiŭ hoł na druhoj siekundzie matču suprać «Chimika» ŭ 14-m tury druhoj lihi (treci futbolny dyvizijon, hrupa «Srebra»).
24-hadovy Ivanoŭ prabiŭ pa varotach supiernika adrazu paśla rozyhryšu miača z centra pola i pierakinuŭ bramnika «Chimika».
Dziejnym uładalnikam suśvietnaha rekordu źjaŭlajecca futbalist anhlijskaha «Krojdana» (šosty dyvizijon) Rajan Choł, jaki ŭ anałahičnaj situacyi zabiŭ u lutym hetaha hoda. Tady na ŭziaćcie čužoj bramy syšło 2,31 siekundy, piša «Sport-Ekspriess».
Mikałaj Ivanoŭ vystupaje za «Mašuk» z sakavika. Raniej jon hulaŭ vyklučna za biełaruskija kłuby: «Maksłajn», minskaje «Dynama», «Minsk», «Naftan», «Isłač» dy «Homiel».
Paźniej Mikałaj prakamientavaŭ svoj hoł.
«Pierad śvistkom pačatku hulni Artur Umamudzinavič [Sadziraŭ — hałoŭny trenier kłuba — NN] pačaŭ kryčać: «Kola, Kola!» Zrazumieŭ, što bramnik dalekavata vyjšaŭ. Voś tak i advažyŭsia prabić!
Pierad pačatkam siezonu Artur Umamudzinavič mnie prapanavaŭ pasprabavać na treniroŭcy, i ja byŭ ździŭleny, ale razumieŭ, što ŭ mianie moža atrymajecca. Supiernik vidać nas drenna razabraŭ, bo niekalki razoŭ u siezonie ja ŭžo tak sprabavaŭ, ale biespaśpiachova. Usie byli šakavanyja, pieršyja siekundy paśla hoła nichto ničoha nie zrazumieŭ, dy ja i sam padumaŭ, moža, heta son?
Ja navat nie viedaju, jak reahavać, što mahu trapić u Knihu rekordaŭ Hinesa. Ja prosta ŭ šoku i pakul nie da kanca razumieju, što adbyłosia», — cytuje football.by słovy biełarusa.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia15
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2222
Kamientary