Vatykan z 19 traŭnia źmienić praviły pryznańnia źjaŭ «zvyšnaturalnymi», vynikaje z dakumienta, apublikavanaha Dykasteryjaj daktryny viery. Ciapier pra zvyšnaturalnaść źjavy zajavu moža zrabić tolki Papa Rymski i tolki ŭ vyklučnych vypadkach.
«Ni dyjacezijalny biskup, ni biskupskija kanfierencyi, ni Dykasteryja nie zajaŭlajuć, što hetyja źjavy majuć zvyšnaturalnaje pachodžańnie. Tolki Śviaty Ajciec moža sankcyjanavać śpiecyjalnuju praceduru ŭ hetych adnosinach», — havorycca ŭ novaj instrukcyi.
U dakumiencie tłumačycca i pryčyna źmieny praviłaŭ. Raniej, pavodle apublikavanaj infarmacyi, biskupy mahli rabić zajavy, što niejkaja źjava zvyšnaturalnaja ci nie. Vierniki pry hetym usprymali ich słovy za čystuju manietu, choć u šerahu vypadkaŭ skazanaje paźniej abviarhałasia.
Niaredka takija zajavy, u pryvatnaści, asobnyja ludzi mahli vykarystoŭvać va ŭłasnych intaresach — dziela prybytku, viadomaści, ułady.
Ciapier čytajuć
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?14
Čym ciapier zajmajucca dziaŭčaty, jakich letaś nazvali samymi pryhožymi ŭ Biełarusi?
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary