Piać čałaviek zahinuli pry abstrele z RSZA ŭ Kupianskim rajonie Charkaŭskaj vobłaści
Upraŭleńnie Nacyjanalnaj palicyi pa Charkaŭskaj vobłaści paviedamiła ab abstrele dvuch siołaŭ u Kupianskim rajonie, ździejśnienym rasijskimi vojskami ŭ niadzielu ranicaj.
Udar pa zonie adpačynku pad Charkavym. Fota: UNIAN
Piać čałaviek byli zabityja, jašče dzieviać paranienyja.
Zahinuli mužčyny 64, 65 i 58 hadoŭ, a taksama dźvie žančyny 56 i 72 hadoŭ. Paranieny piać mužčyn i čatyry žančyny. Im akazvajuć miedycynskuju dapamohu», — cytuje Interfaks-Ukraina paviedamleńnie palicyi.
Pa najaŭnych danych, abstreł siołaŭ Novaasinavaje i Kaŭšaraŭka vioŭsia z reaktyŭnaj sistemy załpavaha ahniu «Urahan».
Raniej u hety ž dzień piać čałaviek, u tym liku ciažarnaja žančyna, zahinuli i 16 paciarpieli na ŭskrainie Charkava ŭ vyniku padvojnaha ŭdaru, jak miarkujecca, rakietami «Iskander».
Kamientary