Viarchoŭny lidar Irana Chamieniei: Spadziajemsia, Boh viernie prezidenta ŭ abdymki naroda
Viarchoŭny lidar Irana ajatała Ali Chamieniei vykazaŭ zaniepakojenaść z nahody avaryi ź viertalotam ź iranskim prezidentam i čynoŭnikami na borcie.
«My spadziajemsia, što Boh viernie šanoŭnaha prezidenta i jaho paplečnikaŭ u abdymki naroda», — pieradajuć słovy Chamieniei iranskija miedyja.
«Usie pavinny malicca za zdaroŭje hetaj hrupy dziaržaŭnych słužačych. Iranski narod nie pavinien turbavacca, u pracy krainy nie budzie nijakich zbojaŭ», — zapeŭniŭ jon.
Nahadajem, viertalot, na borcie jakoha lacieŭ prezident Irana Ibrachim Raisi, trapiŭ u avaryju niedaloka ad miažy z Azierbajdžanam.
Što z Raisi, pakul nieviadoma.
Jak pisała ahienctva Reuters, iranski čynoŭnik, imia jakoha nie nazyvajecca, zajaviŭ, što žyćci Raisi i ministra zamiežnych spraŭ «pad pahrozaj paśla krušeńnia viertalota».
«My ŭsio jašče spadziajemsia, ale infarmacyja, jakaja pastupaje ź miesca krušeńnia, vyklikaje vialikuju zaniepakojenaść», — skazaŭ čynoŭnik.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary