SK zavioŭ kryminalnyja spravy suprać 257 čałaviek, jakija bałatujucca ŭ Kaardynacyjnuju radu
Centralny aparat Śledčaha kamiteta raspačaŭ kryminalnyja spravy suprać tych, chto bałatujecca ŭ kaardynacyjnuju radu, fihurantami stali 257 čałaviek, paviedamlaje pres-słužba viedamstva.
Spravy raspačatyja pa artykułach ab zmovie z metaj zachopu ŭłady, zaklikach da dziejańniaŭ suprać nacbiaśpieki, stvareńni «ekstremisckaha» farmavańnia i sadziejničańni «ekstremisckaj» dziejnaści (artykuły 357, 361, 361-1 i 361-4 KK), paviedamlaje pres-słužba viedamstva.
«Pavodle najaŭnaha ałharytmu, u ramkach rasśledavańnia kryminalnaj spravy atrymanaja infarmacyja ab abjektach nieruchomaści i majomaści na terytoryi krainy. Ciapier pravodziacca śledčyja dziejańni, u tym liku ahlady, pieratrusy, nakładańnie aryštu na majomaść i inšyja pracesualnyja mierapryjemstvy», — skazana ŭ paviedamleńni SK.
Vybary ŭ KR, jakaja pazicyjanuje siabie jak parłamient na emihracyi, pavinny prajści 25—27 maja. U Kaardynacyjnuju radu bałatujecca 12 śpisaŭ, što ŭklučajuć 257 čałaviek.
Raniej usie śpisy byli pryznanyja «ekstremisckimi farmavańniami».
Kamientary