U Rasii zatrymany načalnik Hałoŭnaha ŭpraŭleńnia suviazi Uzbrojenych sił hienierał-lejtenant Vadzim Šamaryn. Jon taksama źjaŭlajecca namieśnikam načalnika Hienieralnaha štaba Valeryja Hierasimava, piša «Kommiersant».
Krynica ŭ pravaachoŭnych orhanach paćvierdziła, što pa kryminalnaj spravie ab mierkavanych machinacyjach u hienierała prajšoŭ pieratrus. Pa jaho vynikach Vadzima Šamaryna dastavili na dopyt u Hałoŭnaje vajennaje śledčaje ŭpraŭleńnie SKR. Sprava razhladajecca ŭ 235-m harnizonnym vajennym sudzie.
U 2020 hodzie pa spravie ab machinacyjach i karupcyi pry pastaŭkach abstalavańnia va ŭzbrojenyja siły RF byŭ aryštavany papiarednik Šamaryna, były namieśnik načalnika Hienštaba Chalił Arsłanaŭ. Hienierał Arsłanaŭ byŭ abvinavačany ŭ machlarstvie i atrymańni chabaru.
Pierad Šmarynym byli zatrymanyja i aryštavanyja namieśnik ministra abarony Cimur Ivanoŭ i načalnik hałoŭnaha ŭpraŭleńnia kadraŭ Minabarony hienierał-lejtenant Juryj Kuźniacoŭ. Jany abodva abvinavačvajucca ŭ atrymańni chabaru ŭ asabliva bujnym pamiery. 17 maja pa spravie ab machlarstvie byŭ aryštavany były kamandujučy 58-j armijaj Paŭdniovaj vajennaj akruhi Ivan Papoŭ.
Kamientary