Akramia minnych paloŭ, na miažy płanujuć pabudavać «umacavańni, roznyja typy zaharod, a taksama samyja sučasnyja sistemy manitorynhu pavietranaj prastory.
Polšča płanuje zaminiravać miažu z Rasijaj i Biełaruśsiu ŭ ramkach čatyrochhadovaj prahramy «ŭschodni ščyt», paviedamlaje polskaja radyjostancyja RMF24 sa spasyłkaj na ministra nacyjanalnaj abarony Polščy Uładzisłava Kasiniaka-Kamyša, piša Delfi.lt.
Sa słoŭ ministra, prahrama «Uschodni ščyt» — «najbujniejšaja apieracyja ŭzmacnieńnia ŭschodniaha fłanhu NATO z 1945 hoda». Na ŭmacavańnie miežaŭ Polšča vydatkuje 2,5 miljarda dalaraŭ. Akramia minnych paloŭ, na miažy płanujuć pabudavać «umacavańni, roznyja typy zaharod, a taksama samyja sučasnyja sistemy manitorynhu pavietranaj prastory pa kožnym paramietry, na luboj vyšyni».
Pa słovach načalnika Hienieralnaha štaba Polščy Viesłava Kukuła, raźmiaščeńnie samich min adbudziecca tolki tady, kali Polšča budzie «ŭpeŭnienaja ŭ niepaźbiežnaści vajny».
Raniej u paniadziełak kiraŭnik MZS Polščy Radasłaŭ Sikorski zajaviŭ, što ŭłady nakładuć abmiežavańni na pieramiaščeńni pa krainie supracoŭnikaŭ rasiejskich dypłamatyčnych pradstaŭnictvaŭ. Heta pieršy padobny vypadak u ES.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary