Hramadzianie Biełarusi nie buduć płacić pavyšany konsulski zbor za afarmleńnie šenhienskich viz. Pra heta piša Sputnik sa spasyłkaj na pasolstvy Vienhryi i Francyi ŭ Biełarusi.
Raniej Ministerstva zamiežnych i jeŭrapiejskich spraŭ Słavienii anansavała pavieličeńnie zboru za vydaču šenhienskich viz dla hramadzian trecich krain. Takoje rašeńnie, jak adznačałasia, pryniała Jeŭrakamisija, i jano pavinna było ŭstupić u siłu z 11 červienia. Havorka idzie pra vizy typu S.
U pasolstvie Vienhryi ŭ Minsku adznačyli: kali b płanavałasia pavyšeńnie pamieru konsulskaha zboru, pra heta paviedamili b na sajcie dypłamatyčnaj misii. Pa fakcie ž takoj infarmacyi niama. Inšymi słovami, viza dla biełarusaŭ pa-raniejšamu budzie kaštavać 35 jeŭra.
U pasolstvie Francyi dadali, što hetaja miera nie zakranie biełarusaŭ — i tych, što znachodziacca ŭ Biełarusi, i tych, što majuć zamiežnyja DNŽ.
«Adpaviedna, košt konsulskaha zboru składaje 35 jeŭra. I pakul hetaja cana nie mianiajecca», — rastłumačyli ŭ pres-centry pasolstva.
U 2020 hodzie Biełaruś i Jeŭrasajuz ratyfikavali pahadnieńnie ab spraščeńni vizavaha režymu. U ramkach dakumienta płata za konsulski zbor za afarmleńnie šenhienskaj vizy źmienšyłasia z 60 da 35 jeŭra. Rašeńnie pačało dziejničać z 1 lipienia taho ž hoda.
Inšaja reč, što ŭ vyniku nastupnych palityčnych padziej atrymać vizy biełarusam uvohule stała ciažka, i farmalnaja jaje cana tut nie maje hałoŭnaha značeńnia. Asnoŭnaja prablema — nie ŭ canie, a ŭ tym, što bolšaść pasolstvaŭ krain z šenhienskaj zony zvyčajnyja vizy biełarusam uvohule nie vydajuć, a ŭ tych, jakija vydajuć — vialikija čerhi i składanyja ŭmovy dy pracedury. U vyniku faktyčna vizy, kali ich udajecca atrymać, abychodziacca nie ŭ 35 i nie ŭ 60 jeŭra, a ŭ razy — a niaredka i ŭ dziasiatki razoŭ, — daražej.
Ci źmienicca situacyja ź vizami i jak jašče možna budzie karać siłavikoŭ, što zapeckalisia katavańniami — raskazvaje Łatuška
Biełarusam stali čaściej admaŭlać u šenhienskich vizach. Ale nie tolki im
Šenhien dla biełarusaŭ: mahčymyja varyjanty, košt pytańnia i historyi z žyćcia
Pačali vydavać bałharski turystyčny šenhien. Što treba, kab jaho atrymać?
«Polski vizavy centr — prosta ździek». Novyja praviły zapisu na vizu z sełfi dadali prablem
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna4
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary