U Pietrykavie mužčyna vyroščvaje ekzatyčnyja drevy i maryć adkryć aranžareju

Jak raskazaŭ sam Hienadź Siamionavič, pieršaje jaho znajomstva z paŭłoŭnijaj adbyłosia amal piać hadoŭ tamu. Mienavita tady jon nabyŭ kala tysiačy ziarniatak nasieńnia, ź jakich, praŭda, udałosia vyraścić tolki 15 sadžancaŭ — nie chapiła na toj čas mužčynu viedaŭ i vopytu.

Adnak užo na nastupny hod jon byŭ ščodra ŭznaharodžany za nastojlivaść i starannaść. I siońnia, dačakaŭšysia pieršaj kviecieni ekzatyčnaj dla Pietrykaŭščyny paŭłoŭnii, mužčyna ŭpeŭnieny: u dreva — vialikaja budučynia.

Jon maje niamała arhumientaŭ na karyść vyroščvańnia mienavita hetaha dreva:

«Pa-pieršaje, paŭłoŭnija adnaznačna ŭpryhožyć vaš sad, haradskuju vulicu, dziciačuju placoŭku. Ekzatyčny vyhlad dreva, liście pamieram z vušy słana i vialikija kvietki ź miakkim vodaram padorać bieźlič pryjemnych emocyj.

Pa-druhoje, kali vy žadajecie chutka atrymać cień u dvary ź nievialikaj kolkaściu dreŭ, to paŭłoŭnija — heta mienavita toje, što vam treba.

Dreva słavicca tym, što jano źjaŭlajecca samym chutkarosłym na płaniecie. Jano moža lohka dasiahnuć vyšyni ŭ 5 mietraŭ usiaho za dva hady, u toj čas jak jełka za hety čas vyrastaje na 1,5 mietra.

Paŭłoŭnija vysadžvajecca časam dla ŭmacavańnia hleby. Ni adno inšaje dreva nie fiksuje hlebu tak, jak jana. Raspaŭsiudžvajučysia viertykalna, lohka stabilizuje hlebu na schiłavych učastkach.

Da taho ž, raślina ŭłoŭlivaje vuhlakisły haz, pył i šum amal u 4 razy bolš, čym zvyčajnaje dreva, i vyłučaje ŭ 4 razy bolš kisłarodu.

Urešcie, dreva paŭłoŭnii raście na mienš uradlivych hlebach i maje patrebu tolki ŭ vadzie».

Pavialičyć

I heta nie ŭsio — uvosień liście apadaje na ziamlu, vysychaje i, vałodajučy bahatym utrymańniem pažyŭnych rečyvaŭ, padkormlivaje hlebu, adnaŭlajučy zvyčajnuju strukturu, robiačy jaje ŭradlivaj i dla inšych vidaŭ kvietak, raślin, aharodniny.

A jašče paŭłoŭnija zdolna abaranić vas ad kamaroŭ i nasiakomych. Dreva słavicca svaim supraćmaskitnym dziejańniem.

«Z-za nizkaj vahi draŭniny paŭłoŭnija ličycca «aluminijem» siarod draŭnianych vidaŭ i źjaŭlajecca kaštoŭnym materyjałam dla vyrabu mebli, muzyčnych instrumientaŭ, łodak, u avijacyjnym budaŭnictvie i mnohich inšych halinach. Na praciahu tysiačahodździaŭ jana vykarystoŭvałasia dla lačeńnia roznych zachvorvańniaŭ u tradycyjnaj kitajskaj i japonskaj miedycynie.

Parady i recepty razdavać nie budu, adnak viedajcie: u dreva paŭłoŭnii sapraŭdy jość patencyjał dla miedycynskaha vykarystańnia», — dadaŭ Hienadź Siamionavič.

Maje mužčyna stanoŭčy vopyt raspaŭsiudžańnia svaich dreŭ siarod arhanizacyj nie tolki Pietrykava, ale i Žytkavič, Akciabrskaha, Naroŭli, Mazyra, Lelčyc. Tak, niekalki hadoŭ tamu kala 500 dreŭ nabyŭ Pietrykaŭski lashas. Upryhožvaje paŭłoŭnija i pryvatnyja siadziby ziemlakoŭ.

«Niezaležna ad taho, pradaju ci prezientuju znajomym svaje sadžancy, jašče peŭny čas ja naviedvajusia i pryhladaju za imi: jak pryžylisia na novym miescy. Časam chadžu pa horadzie i ŭjaŭlaju, jak toje ci inšaje miesca mahła b upryhožyć aleja z ekzatyčnych dreŭ.

Maja zapavietnaja mara — adkryć u horadzie aranžareju. Dumak i idej šmat, jość i mahčymaści, adnak dobra było b mieć padtrymku i zacikaŭlenaść z boku adkaznych słužbaŭ. Vielmi chočacca, kab majo zachapleńnie znajšło adnadumcaŭ i siarod ziemlakoŭ».

• 10
• 0
• 1
• 0
• 2
• 1
• 1
• 0