Rasijski rubiel padaje da dołara paśla ŭviadzieńnia novych sankcyj ZŠA
Ministerstva finansaŭ ZŠA ŭ sieradu abjaviła ab uviadzieńni sankcyj suprać Maskoŭskaj biržy i jaje klučavych struktur — Nacyjanalnaha klirynhavaha centra i Nacyjanalnaha raźlikovaha depazitaryja. Handlovaja placoŭka, a taksama NKC i NRD ŭniesieny ŭ SDN-list — samy žorstki sankcyjny śpis, jaki zabaraniaje lubyja apieracyi, vynikaje z relizu Upraŭleńnia pa kantroli za zamiežnymi aktyvami (OFAC), piša The Moscow Times.
U vyniku sankcyj tarhi dołaram i jeŭra na biržy z 13 červienia buduć spynienyja, paviedamiła pres-słužba handlovaj placoŭki.
Bank Rasii paćvierdziŭ: «u suviazi z uviadzieńniem ZŠA abmiežavalnych zachadaŭ» praviadzieńnie biržavych tarhoŭ i raźliki pastavačnych instrumientaŭ u dołarach ZŠA i jeŭra «prypyniajucca».
Dla vyznačeńnia aficyjnych kursaŭ valut z hetaha času rasijski Centrabank budzie vykarystoŭvać pazabiržavy rynak, dzie ździełki praciahnucca, a taksama spravazdačnaść bankaŭ. Usie srodki ŭ dołarach i jeŭra na rachunkach i ŭkładach hramadzian i kampanij abiacajuć zachavać, a kuplać valutu možna budzie praz kredytnyja arhanizacyi.
Miž tym niekatoryja rasijskija banki na fonie ŭviadzieńnia sankcyj suprać Maśbiržy istotna padniali kurs abmienu dołara. U adnym z bankaŭ canu za dołar pavialičyli navat da 200 rasijskich rubloŭ, miž tym jak raniej kurs vahaŭsia ŭ rajonie 93 rubloŭ za dołar.
Ciapier čytajuć
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma7
26‑hadovy Andrej pajechaŭ u Rasiju ŭ marski fłot. Ale trapiŭ na vajnu i zahinuŭ — maci kaža, spakusiŭsia vialikimi hrašyma
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher5
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary