ZŠA papiaredzili Raiffeisen, što dostup banka da dalaravaj sistemy moža być abmiežavany z-za Rasii
Hetaje papiaredžańnie — samaje strohaje z tych, što byli vyniesienyja najbujniejšamu zachodniamu banku ŭ Rasii
Ministerstva finansaŭ ZŠA piśmova papiaredziła bank, što jaho dostup da amierykanskaj finansavaj sistemy moža być abmiežavany z-za ŭhodaŭ u Rasii, piša Brief
Namieśnik ministra finansaŭ ZŠA Uoli Adejma 6 maja nakiravaŭ u Raiffeisen list, u jakim vykazaŭ zaniepakojenaść pašyreńniem dziejnaści banka ŭ Rasii, a taksama ździełkaj na sumu 1,5 miljarda dalaraŭ z rasijskim aliharcham, jaki trapiŭ pad sankcyi, jakuju bank paśla admianiŭ.
Choć ad ździełki, źviazanaj z Aleham Dzierypaskam, Raiffeisen admoviŭsia praź niekalki dzion paśla atrymańnia lista, krynica paviedamiła, što zaniepakojenaść Minfina ZŠA z nahody biznesu banka ŭ Rasii zachoŭvajecca.
Hetaje papiaredžańnie — samaje strohaje z tych, što byli vyniesienyja najbujniejšamu zachodniamu banku ŭ Rasii, i jano stała vynikam šmatmiesiačnaha cisku z boku Vašynhtona, jaki ŭžo bolš za hod vyvučaje dziejnaść aŭstryjskaha kredytora ŭ Rasii.
Nahadajem, što Pryjorbank u Biełarusi naležyć da hrupy Raiffeisen.
Ciapier čytajuć
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi5
Kamientary