Ministr zamiežnych spraŭ Armienii Ararat Mirzajan nie budzie ŭdzielničać u pasiadžeńni Savieta ministraŭ zamiežnych spraŭ dziaržaŭ-členaŭ ADKB, jakoje adbudziecca 21 červienia ŭ Ałmaty. Pra heta ŭ adkaz na zapyt «Armienpres» paviedamiła pres-sakratar MZS Armienii Ani Badalan.
Płanujecca, što na pasiadžeńni, jakoje projdzie pad staršynstvam Kazachstana, ministry zamiežnych spraŭ dziaržaŭ — členaŭ ADKB abmiarkujuć mižnarodnaje raźvićcio, situacyju ŭ rehijonie, miechanizmy ŭzmacnieńnia kaardynacyi ŭ śfiery źniešniaj palityki, a taksama vyniki supracoŭnictva ŭ ramkach Arhanizacyi.
Čakajecca, što Saviet adobryć šerah prajektaŭ rašeńniaŭ, jakija buduć vyniesieny na zaćviardžeńnie padčas čarhovaj siesii Savieta kalektyŭnaj biaśpieki ADKB, jakaja adbudziecca 28 listapada biahučaha hoda.
U lutym 2024 hoda Armienija abjaviła pra zamarozku svajho členstva ŭ ADKB, a paźniej taksama admoviłasia płacić členskija ŭznosy ŭ arhanizacyju.
12 červienia padčas vystupu ŭ Nacyjanalnym Schodzie premjer-ministr Nikoł Pašynian nie vyklučyŭ, što Armienija ŭ budučyni vyjdzie z ADKB.
Pašynian: Ja nie naviedaju Biełaruś, pakul prezidentam budzie Łukašenka
Pasła Armienii ŭ Biełarusi adklikali ŭ Jerevan dla kansultacyj
«U Biełarusi heta sapraŭdy raskoša». MZS Armienii tonka patroliła Łukašenku ŭ adkaz na słovy Hłaza
Čamu Pašynian staŭ rezka krytykavać Łukašenku?
«Vajna pakazała, što na baku Zachadu staić mienšaść. A Armieniju Rasija tak prosta nie pakinie»
Pamierła 39-hadovaja eks-palitźniavolenaja Hanna Kandracienka. U kałonii ŭ jaje znajšli rak, ale nie vyzvalili27
Kamientary