«Nielha kidać biełarusaŭ na volu losu za žaleznaj zasłonaj». Cichanoŭskaja — pra namier zakryć polskuju miažu
Demakratyčnaja lidarka prakamientavała słovy kiraŭnika polskaj dypłamatyi ab mahčymym zakryćci pahranpierachodaŭ.
Śviatłana Cichanoŭskaja zajaviła, što padtrymańnie suviaziaŭ biełarusaŭ ź Jeŭropaj maje vyrašalnaje značeńnie.
Demakratyčnaja lidarka napisała ŭ sietcy X ab važnaści zabieśpiačeńnia mabilnaści dla biełarusaŭ.
«Inicyjatyvy pa abmiežavańni prymiežnaha ruchu z-za pravakacyj režymu, jakija praciahvajucca, pavinny być nacelenyja na dyktatara, a nie na narod. My nie možam kidać biełarusaŭ na volu losu za novaj žaleznaj zasłonaj», — adznačyła Cichanoŭskaja.
22 červienia ministr zamiežnych spraŭ Polščy Radasłaŭ Sikorski dapuściŭ mahčymaść zakryćcia ŭsich pierachodaŭ na miažy ź Biełaruśsiu z-za abvastreńnia kryzisu ź mihrantami.
«Finy zakryli pahraničnyja pierachody z Rasijaj, i prablemy skončylisia», — adznačyŭ Sikorski.
Ciapier na polska-biełaruskaj miažy dziejničajuć usiaho dva punkty propusku: «Kukuryki» («Kazłovičy») dla hruzavych pieravozak, «Tarespal» («Brest») — dla lehkavych aŭtamabilaŭ i aŭtobusaŭ.
Kamientary
kamu jana tam što napisała? maładomu baćku 12-ha dzicionka?