Biełaruski brend zamoviŭ vyšyŭku na adzieńni — im prysłali partyju ź niedarečnaj pamyłkaj u cytacie Jakuba Kołasa
«Samaja niedarečnaja situacyja, jakaja mahła zdarycca ź biełaruskim brendam adzieńnia», — skardzicca ŭ instahramie stvaralnica Up to you Taćciana Chachłova.
Brend adzieńnia Up to you niadaŭna raspracavaŭ novyja łanhślivy. Na hrudziach — busieł, na rukavie — cytata Jakuba Kołasa, pa jakoj užo nie adno pakaleńnie biełaruskich školnikaŭ piša sačynieńni: «Dobra być u darozie, jakuju ty sam sabie vybiraješ».
— Dyzajnierka nam zrabiła makiet, my ŭsio pravieryli, uzhadnili, adpravili na vyšyŭku. Ale z vyšyŭki hetyja łonhi pryjšli da nas ź miakkim znakam — u litaralnym sensie. I atrymałasia: «Dobra być u darozie, jakuju ty sam sabie vybiraješ». Samaja hrubaja pamyłka, jakuju možna zrabić u biełaruskaj movie.
Takich łanhślivaŭ adšyli 50 štuk — Taćciana zabrała ich z kramy. Kaža, što nie viedaje, što ciapier ź imi rabić.
Videa stała virusnym. Pabačyła jaho i dyzajnierka, jakaja rabiła makiet — kaža, ledź infarkt nie atrymała, kali pačuła pra miakki znak, ale pierapravieryła svoj varyjant i supakoiłasia.
A ŭ kamientarach nakidali varyjantaŭ rašeńnia prablemy: «Dašyjcie vypraŭleńnie čyrvonaj nitkaj u školnym styli. Zakreślicie čyrvonym koleram», «Pradavajcie rasijanam», «Vyšyjcie serca ŭ kancy, kali heta mahčyma», «Zaraz u modzie dziravyja rečy, vyrazajcie», «Kali heta možna pieravyšyć, to ź miakkaha znaka možna zrabić kołas. Heta budzie i pa-biełarusku, i z namiokam na aŭtara».
«Jašče milimietr — i budzie popu bačna»: biełaruski znoŭ aburajucca dziciačymi kałhotkami Conte
Upryhažeńni biełaruskaj dyzajnierki trapili na vystavu sučasnaha juvielirnaha mastactva ŭ
Miłanie
Biznes-łedzi i błohierka Volha Hleb zakryła pieradapošniuju kramu svajho brendu adzieńnia, a ciapier pačynaje raspradavać vytvorčaść
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary