Milinkievič nazvaŭ try zadačy Maskvy na prezidenckich vybarach u Biełarusi
«Jany buduć za nas zmahacca nie mienš, čym za Ukrainu. Pakul biez kryvi», — razvažaje Alaksandr Milinkievič.
U novym vypusku TOKu były kandydat u prezidenty Alaksandr Milinkievič adznačyŭ, što Maskva na prezidenckich vybarach u Biełarusi zaŭsiody staviła try zadačy.
Pieršaja — heta pasvaryć apazicyju. Druhaja — pasvaryć Biełaruś z Zachadam. Kali ŭ Biełarusi aryštoŭvajuć i źbivajuć ludziej, Zachad vymušany ŭvodzić sankcyi. Tak Jeŭropa addalaje ad siabie i prybližaje da Maskvy, kaža Milinkievič.
Treciaja zadača — napałochać Łukašenku tak, kab jon chutčej bieh da Maskvy.
Milinkievič zaŭvažaje:
«Pamyłka našaj demakratyi ŭ tym, što havaryć pra ŭpłyvy Maskvy, što jana maje svaje scenary, što peŭnych ludziej vykarystoŭvaje, heta nie kamilfo. «Tak nie treba, niepryhoža, nieprystojna». I heta škodzić našym pośpiecham».
Palityk adznačaje važnaść razumieńnia ŭ hramadstvie taho, što Maskva pastajanna pracuje i choča zachavać Biełaruś u zonie svajho absalutnaha ŭpłyvu.
«Pucin skazaŭ, što nie tolki ŭkraincaŭ niama jak nacyi, ale i biełarusaŭ niama. My ŭvieś čas pavinny sabie kazać — nas jak biełarusaŭ nie ličać za ludziej. My tolki ruskimi možam być ź imi razam. (…) My pavinny hetuju pahrozu adčuvać. My musim pra jaje havaryć, razumieć i niejtralizavać. Kali nie niejtralizujem, to my prajhrajem», — adznačyŭ Milinkievič.
Maskva nam nikoli nie budzie partnioram, upeŭnieny jon.
«My pavinny razumieć, asabliva ciapier, što pytańnie, što rabić z Maskvoj, — ekzistencyjnaje. Pra toje, być ci nie być Biełarusi. Z Maskvoj Biełarusi nie budzie. My možam być niejkaj hubierniaj u Rasijskaj impieryi biez usiakaj biełaruskaści i historyi», — papiaredžvaje palityk.
«My musim nie ŭdzielničać u niebiełaruskich scenarach. (…) My na miažy cyvilizacyi, i ciapier idzie zmahańnie cyvilizacyjnaje. Impieryi — Kitajskaja, Rasijskaja, Iran — mohuć mocna papsavać losy krain Jeŭropy. A naš asabliva. Ukrainu jany maralna prajhrali. Jany heta razumiejuć. Ukraincaŭ možna zabić, ale nielha pakaryć. Ukraincy ŭsio roŭna buduć supraciŭlacca.
A ŭ vypadku biełarusaŭ im zdajecca, što heta lohka zrabić. I ŭznaharodaj ich impierskaj palityki — dałučeńnie (nie abaviazkova administracyjnaje, heta moža być uzmacnieńnie idej «ruskaha śvietu»). I jany buduć za nas zmahacca nie mienš, čym za Ukrainu. Pakul biez kryvi. My musim heta razumieć», — adznačyŭ Milinkievič.
Hladzicie całkam:
Ciapier čytajuć
«My dajom Štatam toje, što jany chočuć». Rasijski kanał apublikavaŭ videa, jakoje nazyvajuć zapisam Ryžankova schavanaj kamieraj u mašynie14
Kamientary
Im nie zdajecca. Jany heta ŭžo zrabili, zrabiŭšy nas praz RPC adzinaviercami i biełymi ruskimi. I kab nie katalickaje nasielnictva, možna b było užo pastavić kropku...
A ŭžo dzie i jak choča žyć ruskamirny skot, ab tym jaho nikoli nie pytajucca.