Na mitynhu la pasolstva Rasii ŭ Bierlinie suprać udaru pa «Achmatdziecie» zabaranili razmaŭlać pa-ŭkrainsku
U paniadziełak viečaram kala 900 čałaviek sabralisia na bulvary Unter-den-Linden u centry Bierlina nasuprać pasolstva Rasii.
Jany vystupili suprać masiravanaha rakietnaha ŭdaru US RF pa haradach Ukrainy, u tym liku pa dziciačaj balnicy «Achmatdziet» («Achova dziacinstva i maciarynstva») u Kijevie.
Usiaho zahinuli nie mienš jak 37 čałaviek, bolš za 150 paranienyja. Ludzi prynieśli kvietki, fatahrafii, ściahi Ukrainy, antyvajennyja płakaty. Hučaŭ łozunh «Słava Ukrainie!». Akcyju arhanizavała ruch ukraincaŭ u Niamieččynie «Vieča» (Vitsche eV).
Adnak bierlinskaja palicyja zabaraniła vystupy na ŭkrainskaj movie, dazvoliŭšy pramovy tolki pa-niamiecku i pa-anhlijsku, piša Bild.
U Hiermanii niama takoha zakonu, ale ź niadaŭnich časoŭ vartavyja paradku mohuć patrabavać ci naniać pierakładčyka, ci razmaŭlać na movie, zrazumiełaj im.
U krasaviku 2023 hoda na akcyi radykalnych musulman u Bierlinie zaklikali źniščyć Izrail pa-arabsku, ale palicyja hetaha nie razumieła. Na hety raz, jak paviedamili vartavyja paradku, «Vieča» ŭzhadniła akcyju ŭ paniadziełak dniom, ale nie znajšło pierakładčyka z ukrainskaj da viečara. Sami aktyvisty z hetym nie zhodnyja.
«Heta niapraŭda. Nas prasili ab hetym, ale nijakaj vynikovaj damoŭlenaści nie było. Mnohija ŭkraincy jašče nie vielmi dobra havorać pa-niamiecku. Mova — heta častka našaj identyčnaści. I jak na złość mienavita pierad pasolstvam RF mnohija z nas byli pryhavorany da maŭčańnia», — zajaviŭ Bild pradstaŭnik Vitsche eV.
Udar pa dziciačaj balnicy ŭ Kijevie byŭ naniesieny rasijskaj rakietaj. Voś jakija dokazy
Viasnoju Cierciel zajaviŭ, što va ŭkrainskich balnicach terarysty chavajucca za śpinami dziaciej. Učora rasijanie ŭdaryli pa «Achmatdziet»
Kala pomnika Lesi Ukraincy ŭ Maskvie lažać kvietki i dziažuryć palicyja FOTAFAKT
Ciapier čytajuć
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach6
Kamientary