Prydybajła zaklikaŭ «zamarudzić jutub», bo ŭ rekamiendacyjach u jaho videa Šrajbmana i Miełkaziorava
Prapahandyst zapeŭnivaje, što nie hladzić hety kantent.
Prapahandyst Russia Today Kanstancin Prydybajła pryjechaŭ u Viciebsk na «Słavianski bazar». I adrazu ž narvaŭsia na niapravilny, na jahonuju dumku, kantent u internecie.
Pavodle słoŭ prapahandysta, adrazu paśla taho, jak jon ustaviŭ u telefon biełaruskuju sim-kartu, jutub staŭ prapanoŭvać jamu videa niezaležnych ŚMI i błohieraŭ, jakija vystupajuć suprać Łukašenki.
«Ja ŭ Viciebsku. Pastaŭlenaja biełaruskaja sim-karta. Zachodžu ŭ jutub i što ja baču na hałoŭnaj. Kantent vurdałakaŭ, ekstremistaŭ, padonkaŭ, zdradnikaŭ i miarzotnikaŭ.
Ja nie hladžu ich kanały, pra niekatorych navat nie viedaju ničoha. I voś jutub mnie «razumna rekamienduje», — padzialiŭsia bolem Prydybajła.
Na skrynšotach, jakija jon apublikavaŭ u siabie ŭ telehram-kanale, vidać, što jutub prapanavaŭ jamu videa Arcioma Šrajbmana, Mikity Miełkaziorava, Alaksandra Ivulina, «Radyjo Svaboda» i «Doždia».
Prydybajła prapanavaŭ rašeńnie hetaj «prablemy»:
«Moža zamarudzim jaho, nu na samaj spravie».
Sistema rekamiendacyj jutuba prapanuje karystalniku videa na asnovie analizu jaho pieravah i prahledžanych raniej rolikaŭ.
Ahurbaš pačynaje hastroli pa Rasii, choć znachodzicca ŭ biełaruskim vyšuku. Prapahandysty ŭ šalenstvie
Prapahandyst Russia Today Prydybajła prapanavaŭ svaju viersiju taho, čamu Łukašenka išoŭ asobna ad prezidentaŭ
Prapahandysty Prydybajła i Hładkaja praviali strym. Jaho papularnaść vas pryjemna ździvić
«Davajcie jašče hulać u cełak». Bondarava nazvała Prydybajłu zadniepryvadnym łabistam pałavych devijacyj
Kamientary