Ryžankoŭ: Biełaruś hatova da dyjałohu z Polščaj pa situacyi na miažy
Biełaruś hatova da dyjałohu pa situacyi na miažy, ale Polščy nie cikavaje vyrašeńnie hetaha pytańnia. Tak zajaviŭ žurnalistam ministr zamiežnych spraŭ Maksim Ryžankoŭ, pieradaje BIEŁTA.
«Miač na polskim baku. My hatovy da dyjałoha, i prezident na heta nastrojeny», — skazaŭ jon.
Adnak, pavodle Ryžankova, «polskamu boku nie vielmi cikava vyrašeńnie hetaha pytańnia».
Ryžankoŭ nazvaŭ dziejańni Polščy na miažy «lichamankavymi i bieśsistemnymi».
«Ničoha, akramia vialikich niazručnaściej pieravozčykam, siarod jakich u asnoŭnym tolki polskija pieravozčyki, ničoha, akramia humanitarnych prablem dla hramadzian, jakija pierasiakajuć hranicu, hetyja dziejańni nie prynosiać», — skazaŭ Maksim Ryžankoŭ.
Jon dadaŭ, što Biełaruś zaprasiła polski bok sumiesna vyvučyć situacyju na miažy. «Ale polski bok ad hetaj prapanovy admoviŭsia», — śćviarždaje jon.
«Bolš za toje, Polšča pačała vyłučać palityčnyja patrabavańni. Adnak u Biełarusi padobnuju situacyju ličać nieprymalnaj», — dadaje BIEŁTA.
Polski bok z 03:00 10 lipienia pierastaŭ prymać hruzavyja transpartnyja srodki ź Biełarusi praz punkt propusku Kazłovičy». Pad viečar Mytny kamitet paviedamiŭ pra adnaŭleńnie pryjomu palakami hruzaŭ na miažy ź Biełaruśsiu.
Mienavita zakryćcio hruzavoha patoku ekśpierty nazyvajuć hałoŭnym instrumientam cisku Polščy na biełaruski bok. Polšča namahajecca spynić mihrancki kryzis na miažy i vyzvalić ź biełaruskaj turmy žurnalista Andžeja Pačobuta.
Prezident Polščy Andžej Duda z 22 pa 26 červienia znachodziŭsia ź vizitam u Kitai. Tam jon, siarod inšaha, papiaredziŭ kiraŭnika KNR Si Czińpina pra abvastreńnie situacyi na biełaruskaj miažy, mahčymym pierakryćci jaje i mahčymych nastupstvach hetaha dla kitajskaj łahistyki tavaraŭ.
Pry kancy červienia pa dypłamatyčnych kanałach u Minsk byŭ nakiravany sihnał ab tym, što Polšča bolš nie maje namieru ciarpieć mihracyjny cisk na svajoj miažy, a taksama źniavoleńnie žurnalista i hramadskaha aktyvista Andžeja Pačobuta.
Paśla hetaha mihrantaŭ na polskaj miažy stała mienš, vyjšli na volu dva dziasiatki palitviaźniaŭ, ale Pačobut zastajecca za kratami.
Polšča pavialičyć kantynhient na miažy da 17 tysiač sałdat
Polšča bolš nie puskaje biełaruskija aŭtamabili, kali ŭłaśnika niama ŭ sałonie. Što jašče źmianiłasia
«Śpiektakl skončany?» BiełTA vystupiła ź miehavodpaviedździu adnosna situacyi na miažy
Nie tolki mašyny z abjomam ruchavika, bolšym za 1,9 litra. Jakija jašče aŭto nielha budzie pryhaniać u Biełaruś
Čamu Polšča zabaraniła vyvaz tavaraŭ fizičnym asobam i jakija tavary ciapier nielha pravieźci?
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos23
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5151
Kamientary
Kstati, Ryžienkovu nado jeŝie poučiťsia vydavať achinieju - u Hłaza, naprimier. A to poka jeho śpiči bolšie napominajut stienanija v stile "Astanavicieś!" v ispołnienii odnoho iźviestnoho diejatiela))