Usiaho patrochu44

Biełaruski błohier u samy skvar pasprabavaŭ pasmažyć jajki prosta na asfalcie. Ci atrymałasia?

U tyktoku zavirusiłasia videa biełaruskaha błohiera, jaki pasprabavaŭ u razhar soniečnaha lipieńskaha dnia pasmažyć jajki na patelni biez usialakich dadatkovych prystasavańniaŭ — prosta na asfalcie, vykarystoŭvajučy ŭ jakaści krynicy ciapła vyklučna enerhiju piakučaha sonca, zaŭvažyŭ Telegraf.news.

Skrynšot ź videa

Rolik na svaim kanale apublikavaŭ błohier pad nikam bulbanews. Małady čałaviek prademanstravaŭ, jak lohka ŭ takuju śpiakotu ŭ Biełarusi pryhatavać jaječniu. Miarkujučy pa jahonym videa, dastatkova vyjści siarod dnia na zality soncam tratuar i vykarystoŭvać jaho zamiest plity.

Niahledziačy na toje, što ŭ kamientarach pad videa, jakich za sutki nabrałasia bolš za try sotni, mnohija achvotna paćvierdzili, što ŭ ciapierašniaje haračaje nadvorje padobnyja ekśpierymienty lohka ździajśnialnyja, daloka nie ŭsie hledačy pavieryli, što ŭsio tak prosta.

Pakolki žaŭtok na videa ŭ błohiera nie prasmažyŭsia da kanca, niekatoryja vykazali zdahadku, što chłopiec papiarednie nahreŭ patelniu, a tolki paśla vynies jaje na dvor.

Na samaj spravie białok pačynaje zhortvacca pry tempieratury, vyšejšaj za 41°C. Adnak spasyłacca tolki na danyja sinoptykaŭ, vykryvajučy błohiera ŭ padmanie hledačoŭ, było b niapravilna.

Bo asfalt i tratuarnaja plitka, jakuju małady čałaviek vykarystaŭ zamiest plity, u śpiakotu nahravajecca značna macniej — užo pry +35-38°C tempieratura tut moža padymacca da 50-55°C.

Takija ekśpierymienty ŭžo nie raz sprabavali pravodzić, u tym liku pad kantrolem navukoŭcaŭ. Tak, Tereza M. Bałs-Elscholc, zahadčyca kafiedry hieahrafii i mietearałohii va ŭniviersitecie Valparaisa amierykanskaha štata Indyjana raniej tłumačyła, što

na samoj spravie praces hatavańnia jajka na tratuary moža zaniać paru hadzin u zaležnaści ad tempieratury, tak što jak minimum biez maleńkaj chitraści z paskareńniem u videa biełaruskaha błohiera nie abyšłosia.

Pa słovach amierykanskaha ekśpierta, trochi paskoryć praces moža vykarystańnie aluminijevaj folhi abo posudu ź nieržaviejučaj stali, jakaja źjaŭlajecca vydatnym pravadnikom ciapła. Idealnym časam dla takich ekśpierymientaŭ vučonaja nazvała z 12:00 da 16:00, kali tratuar maksimalna addaje ciapło sonca.

A voś ekśpierymienty niekatorych błohieraŭ, jakija sprabujuć pasmažyć jaječniu prosta na kapocie aŭtamabila, pakinutaha na soncy ŭ śpiakotu, lepš nie paŭtarać — zanadta doraha jany abyducca. Jak papiaredžvajuć śpiecyjalisty, u vypadku pośpiechu adździrać jaječniu pryjdziecca prosta z łakafarbavym pakryćciom.

Kamientary4

  • Ajaječnych spraŭ znaŭca
    16.07.2024
    Pasmažyć jajki prosta na asfalcie? Chaj by hety "błohier" prosta sieŭ na asfalt :)
  • Intieriesno
    16.07.2024
    Čto błohier etim chotieł nam dokazať?
    • Adkaz
      16.07.2024
      Intieriesno , što jon durań

Jak vyhladaje znutry rezidencyja Łukašenki «Krasnasielskaje»13

Jak vyhladaje znutry rezidencyja Łukašenki «Krasnasielskaje»

Usie naviny →
Usie naviny

Marzaluk pra adnosiny z žonkaj: Chadžu na zadnich łapach11

Mierkiel: Tramp začaravany pucinskaj Rasijaj11

Zahinuŭ 22-hadovy biełarus Alaksandr «Łyč» Sierada, jaki vajavaŭ za Ukrainu22

Klimat Biełarusi stanovicca ciaplejšym chutčej, čym u bolšaści krain śvietu8

Bujnomu dyśpietčaru taksi zabaranili pracu ŭ Biełarusi4

Marzaluk: Hierb Pahonia nikoli nie byŭ zabaronieny!29

Zialenski zaćvierdziŭ hrupu, jakaja budzie vieści mirnyja pieramovy3

Što źmienicca dla markietpłejsaŭ i kali ŭviaduć apłatu tolki bieznajaŭnymi? Raskazali ŭ ministerstvie

Pavieł Duraŭ pakinuŭ Francyju i adpraviŭsia ŭ Dubaj pa dazvole suda5

bolš čytanych navin
bolš łajkanych navin

Jak vyhladaje znutry rezidencyja Łukašenki «Krasnasielskaje»13

Jak vyhladaje znutry rezidencyja Łukašenki «Krasnasielskaje»

Hałoŭnaje
Usie naviny →

Zaŭvaha:

 

 

 

 

Zakryć Paviedamić