Amierykanskaha žurnalista Evana Hierškoviča prysudzili ŭ Rasii da 16 hadoŭ kałonii strohaha režymu
Dziaržabvinavačańnie zapytvała dla žurnalista 18 hadoŭ pazbaŭleńnia voli.
Śviardłoŭski abłasny sud prysudziŭ karespandenta The Wall Street Journal Evana Hierškoviča da 16 hadoŭ pazbaŭleńnia voli ŭ kałonii strohaha režymu pa spravie ab špijanažy (artykuł 276 KK RF), paviedamlaje Meduza.io.
Dziaržabvinavačańnie zapytvała dla žurnalista 18 hadoŭ pazbaŭleńnia voli.
Pa viersii śledstva, Hierškovič «pa zadańni CRU ŭ sakaviku 2023 hoda źbiraŭ u Śviardłoŭskaj vobłaści sakretnuju infarmacyju ab dziejnaści abaronnaha pradpryjemstva «Urałvahonzavod». U prakuratury śćviardžali, što žurnalist «trymaŭsia pilnych mier kanśpiracyi».
Hierškovič vinu pa spravie nie pryznaŭ.
Sud zaviaršyŭ sudovaje śledstva za dva pasiadžeńni, jany prajšli ŭ zakrytym režymie 26 červienia i 18 lipienia. Padčas druhoha pasiadžeńnia suda dapytali deputata zakanadaŭčaha schodu Śviardłoŭskaj vobłaści Viačasłava Viehniera.
Paśla zatrymańnia Hierškoviča ŭ sakaviku 2023 hoda Viehnier raspaviadaŭ, što sustrakaŭsia z žurnalistam padčas jaho vizitu na Urał. Pavodle jaho słoŭ, karespandenta WSJ cikaviła staŭleńnie ludziej da PVK «Vahnier», praca «pramysłovych pradpryjemstvaŭ» i «pytańni, źviazanyja z padtrymkaj nasielnictva ŭ pieryjad SVA (vajny va Ukrainie)». Viehnier kazaŭ, što Hierškovič chacieŭ «uziać intervju ŭ roznych ludziej, jak jany nas nazyvajuć, u patryjotaŭ».
Ciapier čytajuć
Na tolki što adkrytaj polskaj miažy ŭžo ŭtvaryłasia čarha z troch tysiač aŭtamabilaŭ2
Kamientary