MVF aceńvaje patrebu Biełarusi ŭ zamiežnym finansavańni na 2010 hod amal u 5 młrd dalaraŭ
Pra heta havorycca ŭ dakładzie MVF pa vynikach treciaha ahladu prahramy stand‑by.
Pavodle acenki Mižnarodnaha valutnaha fondu, patrebnaści Biełarusi ŭ źniešnim finansavańni ŭ 2010 hodzie składuć 4 młrd. 954 młn. dalaraŭ. Pra heta havorycca ŭ dakładzie MVF pa vynikach treciaha ahladu prahramy stand‑by.
Ekśpierty fondu pavialičyli svoj prahnoz nakont patrebnaści Biełarusi ŭ finansavańni na 722 młn. dalaraŭ.
Pry hetym krynicy finansavańnia, jakija Biełaruś znajšła sama,
ekśpierty MVF aceńvajuć u 2 młrd. 969 młn. dalaraŭ (papiaredni prahnoz — 2 młrd. 754 młn. dalaraŭ),
ź ich pramyja zamiežnyja inviestycyi pavinny skłaści 2 młrd. 320 młn. dalaraŭ.
Deficyt finansavańnia MVF prahnazuje na ŭzroŭni 1 młrd. 985 młn. dalaraŭ (raniejšy prahnoz — 1 młrd. 478 młn.).
Častkova jaho miarkujecca pakryć za košt apošniaha tranšu kredytu MVF u pamiery 682 młn. dalaraŭ. Nie pakryty krynicami deficyt finansavańnia ŭ Biełarusi ŭ 2010 hodzie, pavodle prahnozaŭ śpiecyjalistaŭ fondu, składzie 1 młrd. 304 młn. dalaraŭ (raniejšy prahnoz — 820 młn. dalaraŭ). Pry hetym jany ŭdakładniajuć, što na asnovie skarektavanaha metavaha pakazčyka vałavych zołatavalutnych reziervaŭ
sukupny niepakryty deficyt finansavańnia ŭ 2010 hodzie składzie 1 młrd. 454 młn dalaraŭ.
U dakładzie havorycca, što Rasija admoviłasia ad abiacańnia vydzielić zaklučny tranš u 500 młn. dalaraŭ u ramkach dvuchbakovaha kredytu, što pryviało da stvareńnia deficytu finansavańnia.
Pry hetym MVF čakaje, što pazyku Jeŭrasajuza ŭ pamiery prykładna 290 młn. dalaraŭ, jakaja była zapłanavana na kaniec 2009 hoda, Biełaruś zmoža atrymać u pieršym kvartale 2010 hoda. Heta makrafinansavaja dapamoha ES uviazana z prahramaj MVF stand‑by, jakaja zakančvajecca sioleta ŭ sakaviku.
U ahladzie adznačajecca, što deficyt finansavańnia na 2010 hod paśla zaviaršeńnia dziejańnia prahramy Biełaruś moža pakryć dadatkovaj finansavaj padtrymkaj z boku MVF pry dasiahnieńni nastupnaj damoŭlenaści, finansavańniem ad inšych šmatbakovych donaraŭ i, mahčyma, šlacham vypusku jeŭraablihacyj.
Pavodle prahnozaŭ MVF, deficyt salda rachunku biahučych apieracyj Biełarusi ŭ 2010 hodzie składzie 3,85 młrd. dalaraŭ.
Ciapier čytajuć
Kab nie płacić padatak na sabak, minčuki pačali zdavać ich u punkty adłovu32
Kamientary