Saudaŭskaja Aravija — adziny pretendent na praviadzieńnie čempijanatu śvietu pa futbole ŭ 2034 hodzie
Jašče ŭ kastryčniku 2023 hoda Saudaŭskaja Aravija zajaviła pra namier pravieści turnir. FIFA paćvierdziła, što kraina stała adzinym pretendentam na ČS-2034.
Aficyjnaja padača zajaŭki adbyłasia 29 lipienia na cyrymonii, arhanizavanaj FIFA ŭ Paryžy, piša Priessboł.
«Ja vykazvaju ščyruju padziaku našamu dalnabačnamu kiraŭnictvu, jakoje dazvoliła nam dasiahnuć hetaj viechi ŭ historyi saudaŭskaha sportu. Ja taksama chaču vykazać hłybokuju padziaku naślednamu pryncu i premjer-ministru za jaho niepachisnuju padtrymku raźvićcia spartyŭnaha siektara.
Zajaŭka Saudaŭskaj Aravii na praviadzieńnie čempijanatu śvietu pa futbole 2034 hoda — heta zajaŭka na budučyniu. Heta zroblena dla našych dziaciej i tych, chto maryć pra mnohaje.
Karaleŭstva imkniecca pravieści samuju važnuju padzieju ŭ śviecie futboła, jakaja paćvierdzić naš upłyŭ na suśvietnaj arenie ŭ roznych halinach, uklučajučy sport», — skazaŭ prync i ministr sportu Saudaŭskaj Aravii Abduł-Aziz ibn Turki Al Saud padčas mierapryjemstva.
Čempijanaty śvietu pa futbole ŭ 2026 i 2030 hadach projduć u troch krainach. U 2026-m u ZŠA, Mieksicy i Kanadzie, a ŭ 2030-m u Ispanii, Partuhalii i Maroka. Pryčym matčy adkryćcia adbuducca ŭ Arhiencinie, Uruhvai i Parahvai. 100 hadoŭ tamu va Uruhvai prajšoŭ pieršy čempijanat śvietu.
Kamientary