20-hadovaha chłopca sa zbornaj pa sudamadelnym sporcie asudzili za «zakliki da sankcyjaŭ». Pahražała da 12 hadoŭ
Asudzili Alaksieja Mazuku bolš za dva tydni tamu, ale jaho asoba stała viadomaja tolki ciapier.
Alaksieju Mazuka 20 hadoŭ. Jon minčuk. Raniej chłopiec zachaplaŭsia sudamadelnym sportam i navat byŭ u reziervie biełaruskaj zbornaj Biełarusi. Taksama jon słuchaŭ pank-rok i cikaviŭsia estetykaj hetaj subkultury.
Data zatrymańnia chłopca nieviadomaja, ale adbyłosia heta, chutčej za ŭsio, u 2024-m hodzie.
Sud nad Alaksiejem adbyŭsia 15 lipienia ŭ Minskim haradskim sudzie. Jaho vinavacili ŭ «zaklikach da sankcyjaŭ» (č. 3 art. 361 KK). Imavierna, sprava ŭ jaho kamientarach u telehramie, a akaŭnt Alaksieja byŭ zusim nieabaronieny i pryviazany da ŭłasnaha numara. Chłopcu pahražała ad 4 da 12 hadoŭ kałonii. Prysud nieviadomy.
Sudziła Mazuku sudździa Alena Ananič, jakaja raniej asudziła šmat viadomych palitviaźniaŭ na vialikija terminy. Adna z apošnich paciarpiełych ad jaje dziejańniaŭ — nastaŭnica 23-j himnazii Darja Chmialnickaja, jakaja atrymała piać z pałovaj hadoŭ źniavoleńnia za danaty.
«Naša Niva» — bastyjon biełaruščyny
PADTRYMAĆCiapier čytajuć
«Hłavnoje»: chto staić za najbolšaj sietkaj rehijanalnych telehram-kanałaŭ Biełarusi. Jaje ślady viaduć u Rasiju4
Kamientary
To bok sankcyi - złačynnyja.
Zaklik da sankcyjaŭ heta pustoje kałychańnie pavietra, tut niama dziejańnia (jak ŭ zakliku skakać z dachu ci źlahacca z końmi i jakim zaŭhodna inšym biez padmacavańnia stymułam: apłataj, pahrozaj)
To bok zakliki da sankcyjaŭ - biazhłuzdyja, ale nie złačynnyja