Eks-palitźniavolenaja Skačylenka: My da samaha kanca nie razumieli, što nas abmianiajuć
Bild pahavaryŭ z palitźniavolenaj Alaksandraj Skačylenkaj, jakuju vyzvalili ŭ Rasii.
13 z 16 vyzvalenych z Rasii palityčnych źniavolenych prybyli ŭ Hiermaniju tranzitam praz Ankaru. Paśla pryziamleńnia ŭ FRH ich pavieźli adnaŭlacca ŭ špital u horadzie Koblenc — tam im akazali miedycynskuju dapamohu.
Adna z vyzvalenych — 33-hadovaja rasijskaja mastačka Alaksandra Skačylenka. U listapadzie minułaha hoda jaje prysudzili da siami z pałovaj hadoŭ kałonii za toje, što jana zamianiła ceńniki ŭ kramie na antyvajennyja stykiery.
Karespandent Bild ubačyŭ jaje, jakaja siadzieła na soncy la balnicy razam z rasijska-niamieckim studentam Kievinam Likam.
«My da samaha kanca nie razumieli, što nas abmianiajuć. Ničoha nie tłumačačy, za čatyry dni da vyzvaleńnia mianie pasadzili ŭ aŭtobus, jaki pavinien byŭ advieźci mianie ŭ Maskvu. Zatym ranicaj u Lefortava mianie znoŭ pabudzili, prymusili sabrać rečy i padpisać dakumient ab vyzvaleńni. Tolki ŭ aŭtobusie ja ŭbačyła inšych źniavolenych», — raspaviadaje Skačylenka.
Pa słovach Alaksandry, jana pasprabavała zahavaryć z supracoŭnikam FSB, jaki supravadžaŭ jaje.
U adkaz jon pačaŭ kryčać na jaje i paabiacaŭ, što kali jana nie zmoŭknie, to jaje dastaviać «u miašku dla trupaŭ».
Da samaha kanca jana nie viedała, kudy jedzie — nie kažučy ŭžo pra toje, što jana była častkaj histaryčnaha abmienu źniavolenymi.
«Ja dahetul nie mahu ŭśviadomić, što znachodžusia ŭ Hiermanii i na voli», — kaža Skačylenka.
Rasijskaj mastačcy, jakaja mianiała ceńniki ŭ kramach na antyvajennyja nadpisy, dali siem hadoŭ kałonii
Mastačka ź Pieciarburha zamianiła ceńniki ŭ kramie na ŭlotki pra Maryupal. Joj pahražaje da 10 hadoŭ
Ilja Jašyn na pieršaj pres-kanfierencyi na svabodzie: Mianie nie vyzvalili, a vyhnali z krainy
MZS Hiermanii: U turmach Rasii zastajecca dvuchznačnaja kolkaść niemcaŭ
Jak prachodzili pieramovy, što pryviali da samaha bujnoha abmienu źniavolenymi z času chałodnaj vajny
Kamientary