Zapuskajuć Mižnarodny fond humanitarnaj dapamohi. Navošta jon patrebny
Na kanfierencyi «Novaja Biełaruś» prezientavali Mižnarodny fond humanitarnaj dapamohi. Voś kamu jon budzie dapamahać.
Kiraŭnik «Bajsoła» Andrej Stryžak nazvaŭ dźvie pryjarytetnyja hrupy, ź jakimi budzie pracavać fond — heta byłyja palitźniavolenyja, jakija znachodziacca ŭ Biełarusi, i siemji ciapierašnich źniavolenych. Taksama, miarkuje Stryžak, možna budzie nadzialać uvahu i paciarpiełym ad represij, jakija nie byli pryznanyja palitźniavolenymi.
Fond budzie pracavać ź biełaruskimi śpisami palitźniavolenych ad arhanizacyj «Viasna» i Dissidentby, a taksama ź biełarusami, jakija znachodziacca ŭ rasijskich turmach — u hetym vypadku sačyć buduć pa śpisie palitviaźniaŭ ad rasijskaj arhanizacyi «Miemaryjał». Ciapier u fondzie jość hrašovyja ŭnioski ad uradaŭ Narviehii i Šviecyi, čakajucca ŭnioski ad jašče troch krain.
Kirujuć fondam arhanizacyi-ŭdzielnicy, źviazanyja sa śfieraj humanitarnaj dapamohi. Heta Słužba chutkaj humanitarnaj dapamohi, u jakuju ŭvachodziać arhanizacyi «Kraina dla žyćcia», Dissidentby, «Bajsoł» i «Bajchełp», a taksama jašče čatyry arhanizacyi, pra jakija stanie viadoma paźniej. Stryžak abiacaje publičnuju spravazdačnaść pa hrašovych zapytach z boku arhanizacyj, ale pry hetym padkreślivaje, što važna ŭličvać i pytańnie biaśpieki tych, chto atrymlivaje dapamohu.
Ofis Śviatłany Cichanoŭskaj budzie prasoŭvać fond na mižnarodnaj arenie i dapamahać sa zboram hrošaj, ale nie budzie prymać udzieł u kiravańni fondam.
«Naša Niva» — bastyjon biełaruščyny
PADTRYMAĆNiaŭžo fondy nie dapamahajuć palitviaźniam, jakija napisali prašeńnie ab pamiłavańni? Naturalna, heta niapraŭda
Biez Paźniaka i Sachaščyka, ź niervovymi dyskusijami pamiž Łatuškam i Jahoravym. Jak prachodziła kanfierencyja «Novaja Biełaruś»
Śluńkin: Mahčyma, vyzvaleńnie biełaruskich palitźniavolenych abmiarkoŭvajecca na inšym treku
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek19
Kamientary