«Heta paśla advodu sił Baćki». U praryvie frontu pad Kurskam Z-kanały vinavaciać Łukašenku
Bajam na miažy Kurskaj vobłaści Rasii treba było znajści tłumačeńnie. I rasijskaja prapahanda zhadała pra niadaŭnija manieŭry sajuźnika Pucina.
Niekatoryja Z-kanały śćviardžajuć, što na kurski kirunak Ukraina pierakinuła vojski, jakija jašče niadaŭna stajali na miažy ź Biełaruśsiu.
«Situacyja ŭ cełym viarnuła nas u luty-sakavik 2022 z pamyłkami i pralikami centraŭ pryniaćcia rašeńniaŭ, jakija źmianili charaktar i farmat SVA.
Adzin z hetych centraŭ — Minsk. Mirnyja inicyjatyvy Łukašenki, mabyć, spravakavali ŭkraincaŭ na kurski kirunak», — narakaje rasijski telehram-kanał «Bryfinh».
«HUR pierakidvaje SSA, niadaŭna źniatyja ź biełaruskaj miažy paśla advodu sił Baćki», — padtakvaje jamu kanał Win/Win.
Telehram-kanał «Dzieci Arbata» taksama śćviardžaje: siarod zadziejničanych na kurskim kirunku sił zaŭvažanyja častki ŭkrainskaha apieratyŭnaha kamandavańnia» Poŭnač», jakija raniej stajali ŭzdoŭž miažy ź Biełaruśsiu. Ale pra rolu Łukašenku piša aściarožna.
«Rasijskaja armija na praciahu papiaredniaha miesiaca nanosiła ŭdary na apieratyŭnuju hłybiniu, tamu što bačyła naroščvańnie sił i srodkaŭ hrupoŭki.
U suviazi z hetym było b niapravilnym ličyć, što mienavita manieŭr prezidenta Biełarusi Alaksandra Łukašenki pryvioŭ da raźvićcia siońniašnich padziej u poŭnaj miery, adnak vyvad z kanfihuracyi biełaruskaha apieratyŭnaha płacdarma istotna skaraciŭ terminy padrychtoŭki biahučaha nastupu USU i vyzvaliŭ dadatkovyja siły»,
— pišuć «Dzieci Arbata».
Inšyja ž kanały nie strymlivajuć hnievu.
«Vydatny sajuźnik u Rasii — Łukašenka. Daŭ Zialenskamu harantyi nienapadu. USU źniali častki ź biełaruskaj miažy i ciapier atakujuć imi Kurskuju vobłaść»,
— aburany Z-kanał «Ćviarozy palitołah».
***
Bai na miažy Sumskaj vobłaści Ukrainy i Kurskaj vobłaści Rasii pačalisia 6 žniŭnia. Pryčym mienavita na rasijskaj terytoryi.
Aficyjnych kamientaryjaŭ z boku Ukrainy nie było. Rasija zajaviła, što ataka ŭkrainskich dyviersijnych hrup pačałasia a 8-j ranicy ŭ aŭtorak. U joj nibyta brała ŭdzieł kala 300 bajcoŭ 22-j miechanizavanaj bryhady USU, jakich padtrymlivali 11 tankaŭ i zvyš 20 bajavych braniravanych mašyn.
-
Kijeŭ uviečary znoŭ byŭ pad atakami, źnikali śviatło i vada. Za dzień va Ukrainie zahinuli jak minimum 25 čałaviek
-
Kolkaść zahinułych u Pryłukach pad Čarnihavym vyrasła da 14
-
Były kiraŭnik Google: Rasija zdahaniaje Ukrainu ŭ vajskovych technałohijach, a resursaŭ u jaje našmat bolš. Hałoŭnym vyklikam budzie «Rasśviet»
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary