Hraboŭski: U «Manreali» ja nie buchaŭ, tamu byŭ asobna ad bratoŭ Kaścicynych

Eks-forvard raskazaŭ, što padčas vystupaŭ za «Manreal» (2006—2008) nie ŭžyvaŭ śpirtnoha, u suviazi z čym jamu było składana znajści ahulnuju movu z bratami Kaścicynymi, kali jany vystupali za hety kłub.

«My ź Siarhiejem Kaścicynym vajavali tolki tady, kali ja suprać «Manreala» hulaŭ [u składzie «Taronta»], a jon — suprać «Taronta». Ja ž niaŭstuplivy. (…) Ja nie byŭ u ich tusoŭcy. Jany tusavalisia z Kavalovym i Markavym (rasijskija chakieisty «Manreala» — NN), a ja byŭ troški asobna, bo nie buchaŭ, byŭ jašče maładym.

Dumaju, va ŭsim byŭ vinavaty trenier, jaki nie stvaryŭ patrebnuju atmaśfieru. Była nie kamanda, a ŭbostva: čechi asobna, amierykancy — asobna, i hetak dalej. Usie paasobku jeści chadzili. Heta nie kamanda. Ja haračyŭsia taksama. Nu, voś i paprasiŭ abmienu z «Manreala», — skazaŭ Hraboŭski (pierajšoŭ u «Taronta» — NN).

Taksama Hraboŭski, jaki viarnuŭsia ź Minska ŭ Kanadu, raspavioŭ, što choča być trenieram u Nacyjanalnaj chakiejnaj lizie.

«Pastaviŭ sabie takuju zadaču: chaču być trenieram. Mnie heta padabajecca, ja blizka da chakieja. Ale ciapier ja prosta nie mahu. Mnie treba nabiracca vopytu. Kali rastuć dzieci, im chočacca dapamahčy. Voś letaś ja treniravaŭ svajho małodšaha, 7-hadovaha. Spačatku dumaŭ, što ja nie zmahu hetaha rabić, što heta vielmi ciažka… ale niejak ja zmoh, mnie heta spadabałasia.

… Chočacca być trenieram. Hałoŭnym, nie hałoŭnym — prosta być u chakiei. Heta asnoŭnaja meta. I nabiracca dośviedu. Ja ŭ Kanadzie, bo [tut] chakiej — number one. I dzie jašče možna dośviedu nabrać, jak nie ŭ Kanadzie? Kantakty ŭ Taronta, ja ŭvieś čas chadžu i hladžu na treniroŭki — heta kałasalny vopyt. A ŭ dalejšym — pahladzim, jak los [rasparadzicca].

Chočacca papracavać u NCHŁ. Skažu praŭdu: chočacca papracavać hałoŭnym trenieram mienavita ŭ NCHŁ. Heta viaršynia. Jość prykład treniera Jahora Šaranhoviča (siońniašni biełaruski hulec u «Kałhary» — NN), jaki [byŭ] u «Kałhary», a ciapier budzie pracavać u «Taronta». Jon treniravaŭ «Vindzar» (u OHL — minornaja chakiejnaja liha štata Antarya), dzie budzie [hulać Illa] Protas, potym pajšoŭ u «Kałhary», a ciapier — u «Taronta». Treba pracavać — prosta tak ciabie nie voźmuć. Treba ŭmieć z kampjutaram pracavać, z usimi prahramami. Tady zmožaš być trenieram», — skazaŭ Hraboŭski.

Michaił Hraboŭski hulaŭ u Nacyjanalnaj chakiejnaj lizie z 2006 pa 2018 hod. Za «Manreal Kanadyjens» jon vystupaŭ z 2006 pa 2008 hod, a zatym pierajšoŭ u «Taronta», za hety kłub jon pravioŭ piać siezonaŭ. Potym vystupaŭ u «Vašynhtonie», «Ńju-Jork Ajlenders» i «Viehas Hołden Najts».

• 2
• 0
• 5
• 2
• 0
• 0
• 0
• 0