Časovaje vyrašeńnie pamiežnaha pytańnia, sa słoŭ Piatra Paŭła, maje precedenty ŭ historyi. U pryvatnaści, takim byŭ prykład miažy pamiž FRH i HDR.
Ustupleńnie Ukrainy ŭ NATA nie pavinna być abumoŭlena jaje poŭnym kantrolem nad svajoj terytoryjaj, zajaviŭ prezident Pietr Pavieł u intervju češskim vydańniam, piša Rasijskaja słužba Radyjo Svaboda.
Jon čakaje, što ŭ bližejšyja hady Ukraina mahła b vieści pieramovy z Rasijaj ab miry. Pahadnieńnie mahło b uličvać, što Rasija budzie doŭhi čas akupavać častku ŭkrainskaj terytoryi. Pry hetym, Rasija nie atrymała b ad demakratyčnych dziaržaŭ zhodu na źmianieńnie miežaŭ.
Vajna va Ukrainie praciahvajecca ŭžo dva z pałovaj hady. Bai iduć nie tolki ŭ miežach ukrainskaj terytoryi, ale i ŭ Kurskaj vobłaści Rasii. Na dumku prezidenta Čechii, takim čynam Ukraina sprabuje zaniać lepšuju pazicyju dla mahčymych mirnych pieramovaŭ.
Časovaje vyrašeńnie pamiežnaha pytańnia, sa słoŭ prezidenta Čechii, maje precedenty ŭ historyi. U pryvatnaści, takim byŭ prykład miažy pamiž FRH i HDR.
Tak, padzieł Hiermanii nie byŭ pryniaty zachodnimi dziaržavami. Uschodniuju častku Hiermanii akupavali vojski Savieckaha Sajuza, to zachodnija sajuźniki pahadzilisia pryniać u NATA zachodniuju častku Hiermanii, dzie nie było savieckich vojskaŭ. I heta adbyłosia ŭ 1955 hodzie.
Pa słovach Pavieła, ciapier jość i techničnaje, i jurydyčnaje rašeńnie, jakoje nie dazvoliła b Ukrainie, ustupiŭšy ŭ NATA, stać pryčynaj kanfliktu pamiž NATA i Rasijskaj Fiederacyjaj.
Ciapier čytajuć
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii5
Apakalipsis zaŭtra. Statkievič napisaŭ pieršy artykuł — z papiaredžańniem pra niebiaśpieku z boku Rasii
U jakoj raźviedki była najlepšaja infarmacyja ź Biełarusi ŭ lutym 2022 i chto paviedamiŭ Budanavu, što asnoŭny ŭdar rasijan budzie na Hastomiel. Źjaviłasia vialikaja publikacyja1919
Kamientary