U rasijskim Rastovie prakuratura zaprasiła terminy da 24 hadoŭ kałonii 23 ukrainskim vajennapałonnym
Siarod ich jość i žančyny. Bolšaść ź ich — kucharki, jakija hatavali ježu dla vajskoŭcaŭ pałka «Azoŭ», ale im «śviecić» da 17 hadoŭ.
Prakuratura zaprasiła terminy dla pałonnych ukrancaŭ, jakija ciapier utrymlivajucca ŭ SIZA-5 Rastova-na Donie, piša «Miedyjazona»
Prakuror prosić prysudzić Alenu Aŭramavu, Alenu Bandarčuk i Liliju Paŭryjanidzis da 17 hadoŭ pazbaŭleńnia voli; Ninu Bandarenku, Natallu Halfinier, Irynu Mahicič i Uładzisłava Majbaradu da 16 hadoŭ; Arcioma Hrabiaškova, Artura Hreckaha, Alaksieja Smykava, Jarasłava Ždamarava i Alaksandra Mieračenca da 23 hadoŭ; Anatola Hrycyka, Aleha Mižharadskaha, Alaksandra Muchina i Mikitu Cimonina da 22 hadoŭ; Aleha Žarkova da 19,5 hadoŭ; Alaksandra Vrcha da 21 hoda; Marynu Tekinu da 16,5 hadoŭ; Liliju Rudenku da 19 hadoŭ; i Aleha Tyškuła da 24 hadoŭ.
Užo abmienienym na rasijskich vajskoŭcaŭ Davidu Kasatkinu i Dźmitryju Łabinskamu abvinavačvańnie zavočna zapytała 24 i 23 hady adpaviedna.
Pakolki žanočych kałonij strohaha režymu ŭ Rasii niama, prakuratura dla pałonnych ukrainak patrabuje terminy z adbyvańniem u kałonii ahulnaha režymu, dla ŭkraincaŭ — strohi režym. Pieršyja niekalki hadoŭ mužčyny praviaduć u turmie i tolki potym buduć pieraviedzieny ŭ kałoniju strohaha režymu.
Suprać zahinułaha ŭ SIZA Alaksandra Iščanki spravu zakryli, tamu termin jamu siońnia nie zapytvali.
Prakuratura ličyć dakazanym, što ŭsie padsudnyja prachodzili słužbu ŭ pałku «Azoŭ» i vykazvali «niehatyŭnaje staŭleńnie da ruskamoŭnaha nasielnictva», a taksama prytrymlivalisia «praŭkrainskich radykalnych pohladaŭ».
Usiaho pa spravie prachodziać 24 ŭkraincy. Usie jany ŭ rozny čas słužyli ŭ «Azovie» pa kantrakcie abo byli volnanajomnymi słužboŭcami. Niekatoryja ŭdzielničali ŭ abaronie Maryupala i «Azoŭstali», inšyja na momant rasijskaha ŭvarvańnia ŭžo pakinuli słužbu i byli zatrymanyja ŭ siabie doma abo pry «filtracyi».
Pa spravie prachodziać dzieviać žančyn, bolšaść ź ich — kucharki, jakija hatavali ježu dla vajskoŭcaŭ pałka «Azoŭ».
Ciapier čytajuć
Na pamiatnaj banknocie da hadaviny Pieramohi źmiaścili nieisnujučuju biełaruskuju słavutaść6
Kamientary
Mižnarodnaje prava? Nie , nie čuli?
Chutčej za ŭsio pakazalny sud nad kucharkami z hihanckimi terminami zrabili, kab nabić canu. Ale, spadziajusia, Ukraina nie pojdzie na abmien "terminataraŭ" na azoŭcaŭ, jak 1:1. Treba, minimum 5 azoŭcaŭ za adnaho žaŭtarotaha rasijca.