54-hadovuju minčanku sudziać za dapamohu palitviaźniam. Pra jaje zatrymańnie raniej nie było viadoma
Alenie Taparkovaj pahražaje da siami hadoŭ kałonii.
Minčancy Alenie Taparkovaj 54 hady. Skončyła Biełaruskuju dziaržaŭnuju politechničnuju akademiju (ciapier — BNTU).
Imavierna, Alenu zatrymali padčas rejda na salidarnych z palitviaźniami, jaki adbyŭsia naprykancy studzienia 2024 hoda.
Sud nad Alenaj pačynajecca 5 vieraśnia ŭ Minskim haradskim sudzie. Jaje vinavaciać u «sadziejničańni ekstremisckaj dziejnaści» (č. 1 i č. 2 art. 361-4 KK). Sudzić jaje budzie Śviatłana Makarevič, jakaja doŭhi čas sudzić ludziej pa palityčnych spravach.
Ludzi, jakija trapili pad abłavu na salidarnych z palitviaźniami, jakaja adbyłasia z 23 pa 24 studzienia, kažuć, što lik tych, na kaho zaviali kryminalnyja spravy, moža być značna bolšy, čym viadoma pravaabaroncam. Absalutna niepubličnyja prosta rabili pieravody ci adpraŭlali pasyłki palitviaźniam z ułasnych srodkaŭ.
Va ŭsich viadomych vypadkach tym, chto dapamahaŭ palitviaźniam, prysudžali pakarańnie, źviazanaje z pazbaŭleńniem voli. Naprykład, piensijaniercy Natalli Malec, jakaja dasyłała małyja sumy z ułasnaj piensii, prysudzili try z pałovaj hady kałonii, a Irynie Pahadajevaj, jakaja dasłała palitviaźniam ahułam 188 rubloŭ, prysudzili try hady kałonii.
«Naša Niva» — bastyjon biełaruščyny
PADTRYMAĆZatrymanych niekalki socień, niekatorym paśla dopytaŭ nie viartajuć pašparty. Padrabiaznaści abłavy na salidarnych z palitviaźniami
Stała viadoma, jakija katehoryi ludziej pakinuli za kratami paśla apošniaj abłavy na salidarnych z palitviaźniami
«Na abłavach byli zadziejničanyja 174 śledčyja». Pravaabaroncy raskazali padrabiaznaści pra studzieński chapun
Ciapier čytajuć
«Kali pasadziać znoŭ, to pasiadžu». Pačobut pra svajo vyzvaleńnie, kamiery śmiarotnikaŭ, bitvu za honar u sudzie i žadańnie viarnucca5
Kamientary
Što pasieješ, to pažnieš.