Chłopca ź Minska abakrali, pakul jon zdymaŭ na vulicy rolik dla tyktoka
U minskuju milicyju źviarnuŭsia 24-hadovy chłopiec sa skarhaj, što chtości skraŭ u jaho zaplečnik, pakul jon zdymaŭ ź siabrami videa dla svajoj staronki ŭ sacyjalnaj sietcy.
Złodzieja chutka znajšli: im akazaŭsia 43-hadovy biespracoŭny minčuk, jaki ŭžo pryciahvaŭsia da kryminalnaj adkaznaści za majomasnyja złačynstvy.
Mužčyna zabraŭ sabie bolš za 700 rubloŭ, a astatniaje źmieściva i sam zaplečnik vykinuŭ u śmiećcievy bak. Sa słoŭ zatrymanaha, hrošy źbiraŭsia vydatkavać na asabistyja patreby, ale nie paśpieŭ, bo jakraz byŭ zatrymany.
U dačynieńni da fihuranta raspačali kryminalnuju spravu za kradziež.
Kamientary