U Babrujsku złavili złodziejaŭ-damušnikaŭ z Rasii. Jany vypadkova zajšli nie ŭ tyja dźviery
Hastralory paśpieli abakraści niekalki kvater, ale zatym prakałolisia.
U milicyju z pačatku žniŭnia źviarnulisia niekalki žycharoŭ Babrujska — usie jany stali achviarami kvaternych złodziejaŭ. Złačynstvy złamyśniki ŭčyniali ŭ adsutnaść haspadaroŭ kvater.
U adzin dzień u milicyju patelefanavała piensijanierka, jakaja paviedamiła: siarod biełaha dnia da jaje dadomu zajavilisia nieviadomyja. Ubačyŭšy, što haspadynia kvatery doma, mužčyny skazali, što pamylilisia adrasam, i pajšli.
Siłaviki nieŭzabavie zatrymali padazravanych – imi apynulisia žychary Padmaskoŭja 45 i 47 hadoŭ. Jany pryjechali ŭ Babrujsk u kancy lipienia, arandavali kvateru. Pa horadzie pierasoŭvalisia na mašynie, vybirali prydatnaje dla ŭzłomu žyllo i pranikali tudy, kali doma nikoha nie było. Kvatery mužčyny ŭskryvali z dapamohaj admyčak.
Adnak na hety raz złodziei prakałolisia — jany ŭzłamali kvateru, kali haspadynia znachodziłasia doma.
U zdymnym žylli rasiejcaŭ milicyjanty znajšli vykradzienyja rečy — za try dni złodziei pabyvali ŭ čatyroch kvaterach. SK uzbudziŭ kryminalnuju spravu za kradziež. Pa anałahičnych artykułach mužčyny ŭžo byli sudzimyja na radzimie.
Ciapier čytajuć
Šrajbman z kalehami prapanavali pakrokavy płan deeskałacyi adnosin Biełarusi i ES35
Šrajbman z kalehami prapanavali pakrokavy płan deeskałacyi adnosin Biełarusi i ES
«Ja ich ni pra što nie prasiŭ i tym bolš — vysyłać mianie z radzimy». Departavanyja palitviaźni rezka adkazali Kavaleŭskamu. Nie abyšłosia biez abrazaŭ4444
Kamientary