Źjavilisia novyja padrabiaznaści departacyi sa Šviecyi biełaruskaj siamji
Rasijski telehram-kanał Astra parazmaŭlaŭ z rasijankaj Volhaj Rahačeŭskich, jakaja siadzieła ŭ šviedskaj departacyjnaj turmie razam ź biełaruskaj, jakuju prymusova adpravili na radzimu.
Pavodle słoŭ Rahačeŭskich, biełarusku i jaje syna (u navinie nie nazyvajecca ich proźvišča) pasadzili ŭ šviedskuju departacyjnuju turmu ŭ mai 2024 hoda.
«Jana padobnaja da SIZA. Tut ty žyvieš u pakoi z susiedziami, u vas ahulny pryjom ježy, adna hadzina ŭ dzień prahułka, tabie nielha nikudy vychodzić, ty znachodzišsia pad kamierami, na sustreču chodziš pad kanvojem — dva čałavieki minimum», — raskazała jana pra ŭmovy ŭtrymańnia.
Rahačeŭskich raskazała, što 21 žniŭnia 2024 hoda biełarusku razam z synam zakavali ŭ kajdanki, pasadzili ŭ samalot i vykinuli ŭ niejtralnaj zonie na miažy Litvy i Biełarusi.
«Chtości mima prajazdžaŭ, uziaŭ ich, i na miažy syna adrazu zatrymali», — raskazała rasijanka. Adkul heta joj stała viadoma, u materyjale Astra nie ŭdakładniajecca. Možna było b padumać, što pra heta joj raskazała sama biełaruska, adnak ža, pavodle słoŭ toj ža Rahačeŭskich, «suviazi z žančynaj ciapier niama, što ź joj — nieviadoma».
Varta adznačyć, što ŭ materyjale Astra niekrytyčna pierakazvajucca tyja ž detali, u praŭdzivaści jakich siamja Citarenkaŭ ad pačatku sprabavała pierakanać biełaruskaje hramadstva. U tym liku biezapielacyjna śćviardžajecca, što hałava hetaj siamji byŭ palitviaźniem i hod tamu «zahinuŭ u biełaruskaj turmie».
Miž tym, pry bližejšym razhladzie vyśvietliłasia, što 55-hadovy minčuk Vasil Citarenka, falsifikavanuju daviedku ab śmierci jakoha biełarusy padavali ŭ šviedskija mihracyjnyja orhany, choć i sapraŭdy pamior, ale nie ŭ turmie. Tamu i da hetaj novaj infarmacyi varta stavicca nadzvyčaj aściarožna i krytyčna.
Mihracyjnaje ahienctva Šviecyi pierahledzić spravy ab nadańni prytułku biełarusam
Franak Viačorka prakamientavaŭ spravu departavanych sa Šviecyi biełarusaŭ
Ci sapraŭdy ŭ turmie ŭ Žodzinie ŭ žniŭni 2023 pamior palitviazień? Nie, siamja chłusić
Šviecyja departavała ŭ Biełaruś palityčnaha ŭciekača? Što viadoma na hety momant
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy10
Łukašenka byŭ u Maskvie biez hieorhijeŭskaj stužki. Najaŭnaść abo adsutnaść stužak padzialiła haściej parada na dźvie hrupy
Doktarku Alenu Mikałajevu padčas vajny adpravili na Vaładarku za dapamohu habrejam — u XXI stahodździ tam ža apyniecca jaje praŭnučka Maryna Zołatava33
Kamientary