Z 9 pa 15 vieraśnia ŭ Centry biełaruskaj kultury j supolnaści (Vilenskaja, 20) adbudziecca tydzień biełaruskaj kultury, piša bellit.info.
9 vieraśnia, paniadziełak: Prezientacyja knihi Źmitra Bartosika «Zabić Upałminzaha».
10 vieraśnia, aŭtorak: Dzień šlachietnaj kultury (vas čakaje mini-lekcyja pra kuchniu Radziviłaŭ, a taksama dehustacyja desiertaŭ pavodle staradaŭnich receptaŭ).
11 vieraśnia, sierada: Lekcyja Siarhieja Chareŭskaha «Spadčyna bratoŭ Łuckievičaŭ» (vy daviedajeciesia pra historyju lehiendarnaha Biełaruskaha muzieju ŭ Vilni, jaho zbory i ekspanaty, los i spadčynu).
12 vieraśnia, čaćvier: Konkurs dla dyzajnieraŭ i mastakoŭ pa matyvach mienskich vazaŭ (prezientacyja rabot).
13 vieraśnia, piatnica: Siarhiej Dubaviec prezientuje knihu «Zanzibar».
14 vieraśnia, subota: Kirmaš (biełarusy zaprašajuć siabroŭ! Na padvorku Centra budzie praviedzieny knižny kirmaš i kirmaš vyrabaŭ narodnaj tvorčaści, udzieł prymuć nie tolki biełarusy, ale i majstry samych roznych nacyjanalnaściej, buduć arhanizavanyja hulni dla dziaciej, akvahrym i inšyja cikavostki, vuličnaja ježa).
Padčas Kirmašu vas čakajuć dva majstar-kłasy: šlachietny čokier (udzielniki zrobiać sabie čokiery z vyjavami vialikich kniahiń litoŭskich i biełaruskich šlachcianak, daviedajucca pra ich losy, a taksama daznajucca da kaho ź ich padobnyja sami) i šopier z nabivankaj (udzielniki navučacca rabić nabivanku i zrobiać sabie šopier z roznymi malunkami na svoj hust).
Admysłova zaprošanyja hości: salist hurta «Biez nazvy» Aleś Lutyč, arciory Alena Žałudok i Dźmitry Jesianievič.
15 vieraśnia, niadziela: Bahač (tradycyjnaje śviatkavańnie biełaruskaha «Bahača», płanujecca praviadzieńnie adpaviednaha abradu, supolny abied sa stravami nacyjanalnaj kuchni, padviadzieńnie vynikaŭ viasioła-surjoznaj łatarei «Bahač»).
Ciaham usiaho tydnia pracuje fotazona «Pjem kavu z bratami Łuckievičami».
Bolej padrabiaznyja źviestki pa prahramie buduć publikavacca ŭ sacyjalnych sietkach Vilenskaha biełaruskaha muzieja imia Ivana Łuckieviča i Centra biełaruskaj kultury j supolnaści ŭ Vilni.
Uvachod volny.
Stała viadoma, jak zatrymali byłoha kalinoŭca Maksima Ralko2
Kamientary