Kupla aŭto z Kitaja na zamovu — realnaja mahčymaść zekanomić abo pustaja trata času?
Paśla taho jak pierahon u Biełaruś aŭto ź Jeŭropy i ZŠA ŭskładniŭsia praz šmatlikaja abmiežavańni, niekatoryja hulcy rynku pašyryli hieahrafiju zakupak i pačali prapanoŭvać nabyvać na zamovu aŭtamabili z Kitaja. Pacikavilisia, jak adbyvajecca hety praces.
Kampanij, jakija akazvajuć pasłuhi pa kupli aŭto z Kitaja, chapaje. Čaściej za ŭsio heta tyja samyja firmy-pasiaredniki, jakija raniej dapamahali kuplać na zamovu mašyny ź Jeŭropy abo ZŠA.
Kolki kaštuje?
Ceny na pasiarednickija pasłuhi pa kupli aŭto z Kitaja vahajucca ad 700 da 2000 rubloŭ.
Ale aryjentavacca varta nie na košt pasłuhi, a na finalnuju sumu, u jakuju abychodzicca abrany vami aŭtamabil. Vynikovy košt taho samaha aŭto, nabytaha praz pasrednika, jaki aceńvaje svaje pasłuhi ŭ 700 rubloŭ, lohka moža akazacca bolšym, čym u kampanii, jakaja voźmie 2000 rubloŭ.
I kali z mašynami, jakija pradajucca ŭ Jeŭropie ci ZŠA, paprasić zrabić dakładny raźlik nie składaje prablem, to z Kitajem takoje moža nie spracavać. Kitajskich sajtaŭ, kštałtu Mobile.de, na jakich možna adšukać aŭto i na kankretnym prykładzie paprasić zrabić papiaredniuju kalkulacyju, niama. Ci prynamsi biełaruskija kampanii imi nie dzielacca, bo mieniedžary dasyłajuć tolki foty aŭto z apisańniem i vynikovym koštam u Minsku.
Ź jakich etapaŭ składajecca kupla aŭto?
Pieršaje, što treba zrabić, — vyznačycca z pasrednikam, zaklučyć ź im damovu (čaściej za ŭsio «na akazańnie infarmacyjnych pasłuh»). U zaležnaści ad kampanii dla kupli aŭto ŭ Kitai treba pakinuć depazit, jaki harantuje, što vy nastrojeny surjozna i paśla vybaru aŭto dakładna raźličyciesia za jaho.
Suma depazitu moža być roznaja — ad 480 da 1000 dalaraŭ, abo 10% ad koštu aŭto.
Paśla taho, jak klijent vyznačycca z vybaram, na jaho imia rychtujuć invojs. Apłatu za aŭto pieravodziać niepasredna na rachunak kitajskaj firmy, ź jakoj supracoŭničaje biełaruski pasrednik. Pa słovach kansultantaŭ, ź Biełarusi ŭ Kitaj pieravod idzie ad troch dzion da tydnia.
Za dastaŭku taksama treba apłačvać praź pieravod. Dastaŭka aŭto kaštuje 2500-3000 dalaraŭ. Voziać mašyny z Kitaja ŭ Biełaruś ciapier čaściej za ŭsio aŭtavozami.
Što pa terminach?
Jak i z cenami na pasłuhi, zajaŭlenyja ŭ rekłamie terminy dastaŭki aŭto ŭ roznych firm adroźnivajucca. Samyja chutkija pasredniki ŭ rekłamie nazyvajuć terminy 3-4 tydni. Ale z apoviedaŭ ludziej, jakija ŭžo sutykalisia z kuplaj aŭto z Kitaja na zamovu, raniej za paŭtara miesiaca nikomu mašynu nie dastaŭlali. Bolšaść pasrednikaŭ nazyvaje termin 1,5-2 miesiacy, ale ŭ pryvatnych razmovach pryznajucca, što lepiej zakładać na ŭsio pra ŭsio miesiacy try ad taho momantu, jak vy zapłacili za aŭto praź biełaruski bank.
Jakija aŭto vyhadna vieźci z Kitaja?
Naturalna, što z Kitaja vyhadna pryvozić mašyny kitajskaj vytvorčaści. Pryčym heta nie abaviazkova musić być aŭtamabil miascovaha brendu. U Kitai taksama vyrablajuć Tesla, niekatoryja madeli BMW, Mercedes-Benz i inšych suśvietnych vytvorcaŭ. Bolšaść z takich aŭto składajuć elektramabili.
Z Kitaja ŭ Biełaruś u asnoŭnym viazuć novyja elektramabili kitajskich brendaŭ, ale sustrakajucca i beušnyja mašyny, u tym liku z tradycyjnymi ruchavikami.
Pryčym padobnym čynam da nas traplajuć i aŭtamabili marki Geely. Viazuć jak madeli, jakija aficyjna pradajucca na našym rynku (choć i pad inšymi nazvami), tak i tyja, što jość tolki na kitajskim.
Ale za ekanomiju ŭ niekalki tysiač dalaraŭ, jakaja musić atrymacca pry kupli aŭto na zamovu, daviadziecca płacić. Navat novyja mašyny, jakija vy takim čynam kupicie ŭ Kitai, hublajuć harantyju.
To-bok atrymlivajecca, što ŭmoŭny Geely z Kitaja moža abyścisia krychu tańniej za mašynu biełaruskaj vytvorčaści, ale harantyi na takoje aŭto niama.
Ci karystajecca kitajski kirunak vialikim popytam?
Vyhladaje, što nie vielmi. Mašyn, pryviezienych z Kitaja fizičnymi asobami, nie šmat. Asabliva, kali paraŭnoŭvać ich kolkaść ź impartam ź Jeŭrasajuza i ZŠA.
Mieniedžary niekatorych kampanij padčas kansultacyj paćviardžajuć, što Kitaj zajmaje nie bolš za 5-10% ad ahulnaha abjomu zamoŭ. Maŭlaŭ, nabyvać bityja aŭto sa Štataŭ pry padobnych terminach dastaŭki ŭsio adno vyhadniej, dyj kamplektacyja ŭ mašynach z Amieryki, jak praviła, lepšaja, čym u anałahičnych aŭto z Kitaja.
Padobna, što adsutnaść harantyi i praciahły čas čakańnia nie vielmi pryvablivajuć pakupnikoŭ aŭto z Kitaja na zamovu.
Paralelna z hetym u Biełarusi prodažy novych aŭto kitajskich brendaŭ rastuć. Na rynak prychodziać novyja brendy. Ale ŭ vypadku kupli ŭ dylera čakać nie treba, aŭtamabil možna «pamacać», dy i harantyja nikudy nie źnikaje.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary