Ofis Cichanoŭskaj prakamientavaŭ akty vandalizmu ŭ dačynieńni da biełaruskaj dyjaspary ŭ Vilni
Ofis Śviatłany Cichanoŭskaj prakamientavaŭ akty vandalizmu suprać biełaruskaj prysutnaści ŭ stalicy Litvy. Nahadajem, što ciaham dvuch sutak zafiksavanyja try incydenty: byli vybityja šyby ŭ Centry biełaruskaj supolnaści i kultury, byli vybityja šyby ŭ pamiaškańni Biełaruskaha pravasłaŭnaha prychodu, a taksama pakinuty pravakacyjny nadpis kala ofisa arhanizacyi «Dapamoha».
«My rašuča asudžajem sieryju aktaŭ vandalizmu ŭ Vilni, nakiravanuju suprać biełaruskich arhanizacyjaŭ i ŭstanovaŭ. Abstreły voknaŭ chrama Biełaruskaha pravasłaŭnaha prychodu, raźbityja šyby Centra biełaruskaj kultury, abraźlivyja nadpisy kala šełtaru dla ŭciekačoŭ «Dapamoha» — heta ahresiŭnaja akcyja z metaj zapałochać svabodalubnych biełarusaŭ i biełarusak, jakija znajšli prytułak u Litvie», — havorycca ŭ zajavie Ofisa.
«Takija dziejańni, vidavočna, nakiravanyja na toje, kab pasiejać varožaść pamiž biełarusami i litoŭcami. My ŭpeŭnienyja: za hetym staić režym Łukašenki, jaki pastajanna sprabuje stvaryć atmaśfieru strachu i nianaviści ŭ biełaruskim hramadstvie i ŭ susiednich krainach.
Zaklikajem litoŭskija ŭłady pravieści hruntoŭnaje rasśledavańnie hetych napadaŭ — i pryciahnuć vinavatych da adkaznaści. A biełarusam i biełaruskam u vyhnańni raim być pilnymi, dbać pra biaśpieku i padtrymlivać adno adnaho», — prapanuje OSC.
Biełaruskaha Siniuju Baradu adpuścili z rasijskaj turmy pamirać doma6
Biełaruskaha Siniuju Baradu adpuścili z rasijskaj turmy pamirać doma
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary