Hramadstva55

«Heta rasijskaja FSB ci biełaruski KDB prykłaŭ ruku» — dyrektarka Vilenskaha centra biełaruskaj kultury pra načny vypadak

Siońnia nočču ci ranicaj u Centry biełaruskaj supolnaści i kultury ŭ Vilni vybili šyby. Dyrektarka ŭstanovy Ludvika Kardzis raskazała Svabodzie pra padrabiaznaści incydentu.

Kali dakładna adbyŭsia incydent, Ludvika nie viedaje, pakul što adlik zdareńnia jana viadzie ad momantu, kali zaŭvažyli nastupstvy incydentu.

«Było 9:45, kali na pracu pryjšła naša supracoŭnica Maryna, jakaja pieršaj ubačyła, što šyby dvuch voknaŭ, jakija vychodziać u dvor, pabityja. Adno akno — pakoja, jaki my zaviom biblijatekaj, pobač ź im staić pijanina. Druhoje akno vychodzić u kalidor. Šyby tam dubaltovyja, pabili tolki vonkavyja. Nichto nie paciarpieŭ, unutry pamiaškańniaŭ askiepkaŭ niama. Niebiaśpieki dla naviednikaŭ niama.

Čym dakładna pabili šyby, skazać pakul nie možam. Bo kamianioŭ ci niečaha inšaha ŭ voknach nie znajšli, treba šukać unizie. Spadziajemsia, palicyja ŭsio vyśvietlić. Palicyjanty skazali, što adrazu pačynajuć šukać vakoł našaha budynka tyja videakamiery, na jakich moža być zapisana, jak nam bjuć vokny. Jak znojduć taki zapis ci śviedak, tady i budziem viedać, kali heta adbyłosia. Šyby na ich prośbu my pakul nie čapajem», — raskazała Ludvika Kardzis.

Što da matyvaŭ incydentu, dyrektarka Centra pierakananaja, što jon staić u tym ža šerahu, što i napad na kramu «Kropka», jaki adbyŭsia ŭletku.

«Viersija ŭ mianie adna — što heta rasijskaja FSB ci biełaruski KDB prykłaŭ ruku. Chočuć pasvaryć biełarusaŭ ź litoŭskaj hramadskaściu, pakazać, što nibyta pamiž imi jość niejkaj napružanaść. Chacia nasamreč jaje niama. Ja daŭno žyvu ŭ Vilni, tut vielmi talerantnaje hramadstva, i ja viedaju, što ničoha z hetych pravakacyj nie atrymajecca.

A my nie zajmajemsia palitykaj, my zajmajemsia raźvićciom kultury, suviaziami narodaŭ. Voś i ciapier my rychtujemsia da Tydnia biełaruskaj kultury, jaki pačniecca praź niekalki dzion. Usio budzie dobra, my pieramožam!» — prakamientavała incydent Ludvika Kardzis.

***

  • Centr biełaruskaj supolnaści i kultury ŭ Vilni — niekamiercyjnaja arhanizacyja biełarusaŭ Litvy, jakaja stvaraje prastoru dla biełaruskich prajektaŭ i inicyjatyvaŭ.
  • Biełaruski centr kultury taksama akazvaje psichałahičnuju dapamohu biełarusam, jakija paciarpieli ad represij.
  • Na bazie Centra pracuje biełaruskaja niadzielnaja škoła, dzie kožnyja vychodnyja pravodziacca 15 zaniatkaŭ dla biełaruskich dziaciej i padletkaŭ.
  • U hetym ža budynku znachodzicca Vilenski biełaruski muziej imia Ivana Łuckieviča.

Kamientary5

  • Chmm
    04.09.2024
    Ja daŭno žyvu ŭ Vilni, tut vielmi talerantnaje hramadstva/
    Niachaj padpišacca na Fejsbuk litoŭskaha błohiera Žylvinasa Śvitojusa (Žilvinas Svitojus) i pačytaje, što tam litoŭcy pišuć pra biełarusaŭ.
  • Supadzieńni?
    04.09.2024
    Roŭna hod tamu Siarhiej Bulba zachapiŭ Biełaruski maładziovy chab u Varšavie "niekamiercyjnuju arhanizacyju biełarusaŭ Polščy, jakaja stvaraje prastoru dla biełaruskich prajektaŭ i inicyjatyvaŭ".

    «Viersija ŭ mianie adna — što heta rasijski FSB ci biełaruski KDB prykłaŭ ruku» - toje samaje havaryli zrynutyja kiraŭniki chaba Łapko i Hlińnik.

    Usie niejak pahamanili, ale NICHTO realna nie zastupiŭsia za tuju arhanizacyju, ni Łatuška, što žyvie ŭ Polščy, ni Cichanoŭskaja, jakaja pastajanna naviedvała toj chab, a jak prablema, to ŭsie hałavu ŭ piasok, niby samo rassasiecca ci polskija ŭłady vyrašać prablemu za ich, raźbiarucca. Tak i tut usie buduć čakać, što tam na kamierach palicyja ŭbačyć.

    Pytańnie tady nachalery hetyja ŭsie biełaruskija demakratyčnyja lidary, kali jany nie chočuć vyrašać składanyja pytańni z FSB/KDB, a ŭsio čakajuć, što niechta raźbiarecca, ci polskaja palicyja ci litoŭskaja.

    Kali nie davać pa rukach bulbam u Varšavie, to vypłyvaje takoje ŭ Vilni, potym čakajcie ŭ Prazie. Nie ŭmiejecie baranić siabie i svaich chaŭruśnikaŭ, buduć vas samich uvieś čas bić.
  • Nu čto, synku, pomohli tiebie tvoi lachi?
    04.09.2024
    Kak čto-to płochoje, to srazu FSB/KHB i pročije vinovaty, a litovcy značit śviatyje po umołčaniju... Počiemu nie rassmatrivajetsia viersija, čto eto mohli sdiełať miestnyje?

Ciapier čytajuć

«Čaściej za ŭsio žučok staviać niedaloka ad razietak». Jak siłaviki prasłuchoŭvajuć biełarusaŭ pa telefonie i ŭ kvaterach12

«Čaściej za ŭsio žučok staviać niedaloka ad razietak». Jak siłaviki prasłuchoŭvajuć biełarusaŭ pa telefonie i ŭ kvaterach

Usie naviny →
Usie naviny

U Lidzie z-za sankcyj niekalki miesiacaŭ nie ramantujucca stužki-kanviejery kala kasaŭ5

U ledaviku kala Antarktydy znajšli cieła navukoŭca, jaki zahinuŭ u 1959 hodzie

U ZŠA mietearyt upaŭ na dom. Navukoŭcy śćviardžajuć, što jon starejšy za Ziamlu3

Mieduzy spynili pracu najbujniejšaj AES Francyi1

Dziaŭčyna raskazała, jak pryjechała «bicca za kvateru» ŭ elitnym ŽK Minska, ale ŭsie raskupili praz 15 chvilin23

Tramp na pieramovach z Pucinym pastarajecca viarnuć Ukrainie častku akupavanych terytoryj4

Cichanoŭski adkazaŭ na pretenzii pra naviedvańnia Kryma i pracu z Ksienijaj Sabčak27

«Biełavija» anansavała chutkija paloty na vostraŭ Fukuok

U vioscy pad Barysavam razam z polem zaarali adzinuju darohu. Advažny čałaviek pajechaŭ i zahruz1

bolš čytanych navin
bolš łajkanych navin

«Čaściej za ŭsio žučok staviać niedaloka ad razietak». Jak siłaviki prasłuchoŭvajuć biełarusaŭ pa telefonie i ŭ kvaterach12

«Čaściej za ŭsio žučok staviać niedaloka ad razietak». Jak siłaviki prasłuchoŭvajuć biełarusaŭ pa telefonie i ŭ kvaterach

Hałoŭnaje
Usie naviny →

Zaŭvaha:

 

 

 

 

Zakryć Paviedamić