Va Ukrainie zatrymali piaciarych mužčyn, jakija sprabavali ŭciačy ŭ Biełaruś i ledź nie padarvalisia na minach
Ukrainskija pamiežniki zatrymali hrupu vajennaabaviazanych, jakija chacieli pierabracca praz ukrainska-biełaruskuju miažu.
Skrynšot videa
Apieratyŭniki Dziaržpahransłužby Ukrainy napatkali hrupu ź piaci mužčyn niedaloka ad miažy ź Biełaruśsiu.
Paviedamlajecca, što mužčyny źbiralisia parušyć miažu i schavacca na terytoryi Biełarusi. Jany ruchalisia pa kirunku da zaminavanaha ŭčastka miažy.
«Takim čynam, udałosia nie dapuścić nie tolki parušeńnia dziaržaŭnaj miažy, ale i vyratavać ludziam žyćcio», — paviedamili ŭ Dziaržpahransłužbie.
Zatrymanych pieradaduć u terytaryjalny centr kamplektavańnia, jaki adkazvaje za mabilizacyju.
Kamientary