Dziaržkantrol zatrymaŭ pradprymalnikaŭ, jakija arhanizavali šeryja schiemy praz Wildberries i Ozon
U Mahilovie vykrytaja šeraja pasrednickaja schiema realizacyi biełaruskich tavaraŭ, paviedamlaje Kamitet dziaržkantrolu.
Pavodle Dziaržkantrolu, mahiloŭskaja firma arhanizavała šeruju schiemu kupli-prodažu biełaruskaj pradukcyi (hadzińniki, adzieńnie, tekstylnaja pradukcyja, špalery) z vykarystańniem padkantrolnych rasijskich pasrednickich struktur.
Na praciahu 2021-2023 hh. mahiloŭskaje tavarystva nabyvała ŭ biełaruskich vytvorcaŭ tavary, jakija paśla ź niaznačnaj nacenkaj nibyta pastaŭlalisia ŭ adras padkantrolnych pasrednickich rasijskich kampanij, paśla čaho ŭžo ad hetych kampanij i z nacenkaj da 300% pradavalisia praz elektronnyja handlovyja placoŭki Wildberries i Ozon.
Ale sami tavary nie pakidali terytoryju Biełarusi i paśla ich zamovy pakupnikami markietplejsaŭ nakiroŭvalisia ŭ punkty vydačy zakazaŭ sa składa mahiloŭskaha pradpryjemstva.
Za košt vykarystańnia hetaj schiemy roźnica ŭ košcie tavaraŭ asiadała na rachunkach rasijskich firmaŭ, a biełaruskaja kampanija štučna zanižała atrymanuju vyručku i nie płaciła padatki ŭ biudžet.
Akramia taho, firma pasprabavała niezakonna viarnuć ź biudžetu padatak na dadanuju vartaść, pryčyniŭšy hetym škodu dziaržavie na sumu zvyš 1,2 młn rubloŭ, śćviardžaje Dziaržkantrol.
U dačynieńni da dyrektara mahiloŭskaha tavarystva raspačatyja kryminalnyja spravy. Naniesienaja dziaržavie škoda kampiensavanaja ŭ poŭnym abjomie.
Zahinuŭ biełaruski dobraachvotnik Vasil «Dzir» Rapicki11
Kamientary