U horadzie Drezdenie na ŭschodzie Hiermanii ŭ noč na 11 vieraśnia abrynułasia častka mosta Karoła nad rakoj Elbaj. Pavodle papiarednich danych, heta adbyłosia ŭ rajonie treciaj hadziny nočy, paviedamlaje Deutsche Welle.
Ułady Drezdena zajavili, što ŭ vyniku incydentu nichto nie paciarpieŭ, adnak ruch aŭtamabilaŭ i sudnaŭ pa Elbie budzie prypynieny na niavyznačany termin.
Jak pieradajuć infarmahienctvy, u vyniku abvalvańnia mosta prarvała truby z haračaj vadoj, jakija prachodzili pa im, i ŭvieś horad na peŭny čas zastaŭsia biez centralnaha ciepłazabieśpiačeńnia.
Situacyja ŭskładniajecca tym, što akurat ciapier u horadzie čakajuć praciahłych daždžoŭ. Śpiecyjalisty ličać, što ŭ takoj situacyi jany mohuć pryvieści da pavodki, pakolki siekcyi mosta, jakija zvalilisia ŭ vadu, buduć dziejničać jak płacina. Pa słovach mietearołahaŭ, vada z Elby moža trapić u Stary horad i zatapić histaryčny centr.
Pažarnaja kamanda z Drezdena ŭžo rychtujecca da mahčymaha raźlivu Elby. Pavodka moža značna ŭskładnić raboty pa ačystcy raki paśla častkovaha abvalvańnia mosta.
«Z paniadziełka ŭ Drezdenie čakajecca vysoki ŭzrovień vady, i na hetym moście ŭtvarajucca značnyja zatory, tamu reštki mosta varta prybrać jak maha chutčej», — skazaŭ vydańniu Bild klimatołah Karsten Brandt z kampanii Donnerwetter.
Most Karoła — adzin z čatyroch mastoŭ, jakija pierasiakajuć Elbu ŭ centry Drezdena. Jaho adkryli ŭ 1895 hodzie, ale ŭzarvali ŭ kancy Druhoj suśvietnaj vajny, kab spynić nastup Savieckaj Armii. Adnoŭleny most byŭ u 1971 hodzie.
Jeŭrasajuz hatovy całkam admovicca ad rasijskaha hazu
U Niamieččynie znajšli skradzieny traktar «Biełarus». Złodziei pierafarbavali jaho — novy koler pryvioŭ haspadaroŭ u šalenstva
Było 430 tysiač — stała 90 tysiač. Jak pa darozie ź Jeŭrasajuza ŭ Biełaruś mašyny hublajuć sotni tysiač kiłamietraŭ prabiehu
Ciapier čytajuć
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary