Hod tamu biełarus, jaki lačyŭsia ŭ ankacentry, zrabiŭ prapanovu svajoj dziaŭčynie. Ciapier para pažaniłasia
Minułaj vosieńniu ŭ ankacentry ŭ Baraŭlanach chłopiec, jakomu dyjahnastavali lejkoz, zrabiŭ prapanovu svajoj dziaŭčynie, i jana pahadziłasia. A 7 vieraśnia hetaja para zhulała viasielle.
Mikita i Palina žyvuć u Hrodnie. U sakaviku chłopiec zaviaršyŭ asnoŭnaje lačeńnie i ciapier u Baraŭlany jon pryjazdžaje raz na try miesiacy na kantrol.
Nakolki dazvalaje zdaroŭje, jon imkniecca viarnucca da zvykłaha žyćcia. Jahonaja žonka zajmajecca naroščvańniem paviek i vykładaje tancy dzieciam. Jak i ŭsie maładyja, zakachanyja budujuć płany na budučyniu i atačajuć adzin adnaho kachańniem.
U Mikity ŭ 12 hadoŭ vyjavili vostry limfabłasny lejkoz. Jon paśpiachova prajšoŭ lačeńnie, ale ŭ 2021-m chvaroba viarnułasia. Da taho momantu chłopiec užo sustrakaŭsia sa svajoj budučaj žonkaj.
U składany dla maładoha čałavieka čas dziaŭčyna jaho padtrymała. A kali viasnoj 2023-ha jamu spatrebiłasia kruhłasutačnaja dapamoha, to zvolniłasia z pracy i była pobač u ankacentry ŭ Baraŭlanach.
Paśla taho, jak Mikita zrabiŭ Palinie prapanovu, para vyrašyła arhanizavać viasielle pa-za ścienami Baraŭlanaŭ, kab pačać novy etap svajho žyćcia. Ciapier hetyja płany realizavalisia.
«Uračystaść prajšła ŭ kole samych blizkich i rodnych, — raskazaŭ Mikita. — Spačatku raśpisalisia, a potym zładzili nievialikaje śviata ŭ adnym z restaranaŭ horada».
Para z Kalinkavičaŭ paprasiła haściej prynieści na viasielle zamiest kvietak cacki dla chvorych dziaciej
Niadaŭna vyzvaleny błohier Vadimati paviedamiŭ pra ankałahičnaje zachvorvańnie
Palitviazień Jaŭhien Baroŭski z surjoznymi prablemami sa zdaroŭjem vyjšaŭ na svabodu ŭ červieni
U Homieli zvolnili dvuch ankołahaŭ paśla sutak za ekstremizm. Adzin ź ich — kandydat navuk, vydatnik achovy zdaroŭja Biełarusi
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary