Pahladzieli, jak vyhladaje i kolki kaštuje takaja vializnaja kvatera.
Dvuchuzroŭnievaja vaśmipakajoŭka znachodzicca pa susiedstvie z «Domam Čyža». Dakładny adras — Staražoŭskaja, 8. Ahulnaja płošča kvatery — 265 «kvadrataŭ». Mieścicca jana na 11 i 12 pavierchach doma 1997 hoda pabudovy.
Samy vialiki pakoj u kvatery — dvuchuzroŭnievaja haścioŭnia płoščaj 33 m². Kuchnia maje płošču 22 m². Na kožnym paviersie vielmi prastornyja kalidory pa 37 i 33 «kvadraty» adpaviedna.
U kvatery dva sanvuzły pamieram 8 m², jany znachodziacca pa centry kožnaha pavierchu.
Z kuchni na pieršym paviersie i z choła na druhim možna vyjści na prastornuju łodžyju.
Acanić interjery davoli składana, bo z vaśmi pakojaŭ jeść tolki foty haścioŭni, zroblenyja z roznych rakursaŭ.
Miarkujučy pa dyzajnie interjeru i mebli, možna pryjści da vysnovy, što apošni raz hruntoŭny ramont u hetaj kvatery rabili niedzie ŭ pačatku nulavych.
Ekskluziŭnuju kvateru acanili ŭ 730 tysiač dalaraŭ abo pa 2760 dalaraŭ za «kvadrat».
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary