U sustrečy taksama ŭziaŭ udzieł pradstaŭnik Abjadnanaha pierachodnaha kabinieta pa nacyjanalnaj biaśpiecy i abaronie Vadzim Kabančuk.
Sustreča kamandzira Pałka Kalinoŭskaha Paŭła «Dziadźki» Šurmieja i premjer-ministra Čačenskaj Respubliki Ičkieryja Achmied Zakajeŭ adbyłasia 12 vieraśnia. Jana była arhanizavana biełaruskaj vałanciorkaj Halinaj Maciušenka i hramadskaj arhanizacyjaj «Misija Ihara Vitenki».
Achmied Zakajeŭ — čačenski palityčny dziejač, udzielnik dźviuch vojnaŭ za niezaležnaść Čačenii. Z 2003 hoda pražyvaje ŭ Vialikabrytanii, dzie atrymaŭ palityčny prytułak. U 2007 hodzie Zakajeŭ byŭ abrany na pasadu premjer-ministra ŭrada Čačenskaj Respubliki Ičkieryja ŭ vyhnańni. Achmied Zakajeŭ aktyŭna pradstaŭlaje intaresy Ičkieryi na mižnarodnaj arenie.
Čačenskija dobraachvotniki vajujuć na baku Ukrainy ŭ składzie bataljonaŭ imia «Džachara Dudajeva» i «Šejcha Mansura».
«Biełarusy, dakazvajučy śvietu [svaje mirnyja namiery], vystupili ź mirnaj inicyjatyvaj i chacieli źmianić svoj isnujučy ład. Ale im hetaha nie dali zrabić. I siońnia jany byli vymušanyja ŭziać zbroju ŭ ruki i tut, na palach ukrainskaha frontu, adstojvać svaju niezaležnaść, svaju svabodu.
Ja ŭpeŭnieny, što supolnymi namahańniami my dabjomsia i svabody i niezaležnaści nie tolki dla našych narodaŭ — ukraincaŭ, biełarusaŭ, čačencaŭ, ale i dla samich ruskich, jakija pakul nie razumiejuć, što ich svaboda ŭ pieršuju čarhu zaležyć ad taho, nakolki budziem svabodnyja my — inšyja narody», — adznačyŭ Achmied Zakajeŭ na sustrečy.
Za niekalki dzion da sustrečy Pałku Kalinoŭskaha byŭ pieradadzieny pikap, jaki nabyła dyjaspara biełarusaŭ Bielhii i «Misija Ihara Vitenka».
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec21
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary