Dyjasparam pišuć boty i prapanujuć ustupić u Połk Kalinoŭskaha. Raskazvajem, što adbyvajecca i jak abaranicca
U čatach biełarusaŭ Hruzii źjavilisia paviedamleńni pra toje, što ŭdzielnikam čata piša niejki akaŭnt Vasil. Spačatku jon pytajecca ŭ ludziej, dzie jany pracujuć i prapanuje pracu ŭ Pałku Kalinoŭskaha. Paśla patrabuje jašče bolš źviestak. Ale heta bot — voś, jak my heta zrazumieli.
Chto staić za stvareńniem bota i ŭ čym sens hetaj kampanii — nieviadoma.
Što adbyłosia?
Siońnia ŭdzień ludzi ŭ čacie «Biełarusy Batumi» pačali masava paviedamlać pra toje, što im piša pa-rusku niejki čałaviek, jaki nastojliva prapanuje ŭstupić u Połk Kalinoŭskaha. Jaho ID — 6644934864, a akaŭnt zusim novy i biez anijakich śladoŭ.
My vyrašyli taksama napisać «Vasilu». I adrazu vyśvietlili, što heta bot. Usie temy, akramia ŭstupleńnia ŭ Połk Kalinoŭskaha, jon ihnaruje. A pry sprobach raspytać, jakaja jon madel i viersija, a taksama jakija kamandy razumieje — spačatku «adžartoŭvajecca», a paśla banić.
Jak zrazumieć, što vam piša bot?
Pa-pieršaje, boty zaŭsiody apieratyŭna i razhornuta adkazvajuć. Žyvyja ludzi zvyčajna tak nie robiać.
Pa-druhoje, jość niekatoryja kamandy, jakija «źbivajuć» botaŭ. Kali stvaralnik nie naładziŭ heta, to vy možacie adkryta spytacca, ci bot pierad vami.
Kali jon uchilicca ad adkazu ci admović heta, to skažycie, što vy chacieli b pačać razmovu spačatku. U takim vypadku bot pačnie razmovu ad samaha pačatku, tak, byccam jon napisaŭ vam tolki što — hety truk pracuje vielmi časta.
Ahułam ža važna viedać, što biełaruskija arhanizacyi nie pišuć usim zapar u čatach dyjasparaŭ i tym bolš nie patrabujuć ad ich anijakich asabistych źviestak. Kali napisali vam — paviedamlajcie pra heta inšym u čatach, a taksama miedyja. Pastarajciesia zapisać ID ci juzierniejm bota, kab było praściej jaho paŭsiul zabanić dy praanalizavać akaŭnt.
«Naša Niva» — bastyjon biełaruščyny
PADTRYMAĆCiapier čytajuć
18‑hadovy były palitviazień raskazaŭ, što jon svajak Cichanoŭskaj. Jaho zatrymali, kali jon jechaŭ vajavać za Ukrainu2
Kamientary