U Minsku hulajuć u niezvyčajnuju «Mafiju». Čałaviek, jaki vylataje, sapraŭdy pravalvajecca ŭ prorvu
Hulniu ŭ takim farmacie arhanizuje adna ź minskich studyj. Sami praviły standartnyja: jość mafija, mirnyja žychary i jašče niekalki hierojaŭ — treba zrazumieć, chto jość chto, piša Onliner.by.
Ale ŭdzielnik u pramym sensie vylataje z hulni. Kali być dakładniej, to padaje z kresła kudyści ŭ biezdań. Vyhladaje heta tak.
Žurnalisty pahutaryli z arhanizataram hulni Alaksandram. U Minsku, sa słoŭ surazmoŭcy, hulniu z padajučymi kresłami pravodzić tolki «Mafija VIP». Pracuje studyja pa franšyzie.
A voś hałoŭny sakret — kudy ž padajuć udzielniki? — nie raskryli. Patłumačyli heta tym, što tak hublajecca intryha dla novych hulcoŭ. Zatoje zapeŭnili, što ŭsio biaśpiečna.
— My pracujem užo 5 hadoŭ, našy filijały znachodziacca ŭ 4 krainach i 18 haradach. Za ŭvieś čas traŭmaŭ nie było.
Darečy, udzielnik, jaki vypaŭ, paśla padzieńnia moža viarnucca ŭ zału i nazirać za chodam hulni. Taksama pišuć, što hulać možna ciažarnym ci ludziam z asablivaściami zdaroŭja. U takim vypadku z kresła skidać nie buduć, ale treba zahadzia papiaredzić administratara.
U praviłach hulni taksama paznačana, što da ŭdziełu dapuskajucca kamandy z 8—12 čałaviek. Kali patrebnuju kolkaść ludziej sabrać nie atrymałasia, to možna znajści ŭdzielnikaŭ u śpiecyjalnym čacie ŭ telehramie.
Kaštuje hulnia 40 rubloŭ za hadzinu z adnaho čałavieka, a pryjechać pahulać možna kruhłasutačna — treba tolki zabraniravać zału minimum za 2 hadziny. Darečy, hulać mohuć nie tolki darosłyja, ale i dzieci z 10—12 hadoŭ u supravadžeńni baćkoŭ.
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii16
Kamientary