Mužčyna ŭvoziŭ u Biełaruś žujki z hašyšam. Klaniecca, što atrymaŭ ich zamiest rešty
U vieraśni na punkcie propusku «Brest» u biełarusa, jaki ŭjazdžaŭ u krainu, pamiežniki znajšli bolš za 40 žujek z hašyšnym alejem, paviedamlaje Dziaržpahrankamitet.
Fota ilustracyjnaje
Pry hetym mužčyna śćviardžaŭ, što ŭ Luksiemburhu na kasie ŭ kramie jamu prapanavali ŭziać hetyja žujki ŭ jakaści rešty. A jakija inhredyjenty ŭvachodziać u skład pradukta, turyst nibyta nie viedaŭ.
Z pačatku hoda na punktach propusku na miažy Biełarusi z krainami Jeŭrasajuza pamiežniki vyjavili 17 vypadkaŭ uvozu tavaraŭ z narkotykami.
Za ŭvoz praź miažu praduktaŭ z narkatyčnaj načynkaj možna atrymać termin ad 3 da 7 hadoŭ źniavoleńnia albo vialiki štraf.
Kamientary