Nadvorje

Čaho čakać ad nadvorja na nastupnym tydni

Na nastupnym tydni kastryčnik budzie pastupova nabližać nas ad załatoj da hłybokaj vosieni. Pakul jašče rana kazać pra značnaje pachaładańnie. Siaredniasutačnaja tempieratura prahnazujecca na 2-5°S vyšej za klimatyčnuju normu. Pra heta ŭ efiry prahramy «Mieteahid» raskazaŭ sinoptyk Dźmitryj Rabaŭ.

U pieršyja dni tydnia ŭ bolšaści rehijonaŭ vierahodnaść apadkaŭ nievialikaja. Unačy i ranicaj miescami mahčymy tuman. Viecier budzie dźmuć z paŭnočnaha zachadu, jaho skoraść budzie ŭmieranaj. Vilhotnaść pavietra składzie da 80 pracentaŭ. Tempieratura ŭnačy składzie ad +4 da +9°S. U paniadziełak dniom čakajecca ad +8 da +15°S, u aŭtorak — ad +12 da +17°S.

U siaredzinie tydnia na nadvorje budzie ŭpłyvać vobłaść padvyšanaha atmaśfiernaha cisku. Čakajecca pieramiennaja vobłačnaść, bieź istotnych apadkaŭ. Adnak dniom na zachadzie krainy budzie zaŭvažny ŭpłyŭ atmaśfiernaha frontu, i tam projduć daždžy. Viecier budzie dźmuć z poŭdnia, jaho skoraść budzie ŭmieranaj. Unačy tempieratura budzie ad +5 da +10°S. Dniom pavietra prahrejecca da +14…+18°S.

U pačatku druhoha tydnia ŭmovy nadvorja buduć vyznačacca ŭpłyvam atmaśfiernych frantoŭ, źviazanych z cykłonam, centr jakoha znachodzicca nad Bałtyjskim moram. U bolšaści rajonaŭ čakajucca karotkačasovyja daždžy. Viecier budzie paŭdniova-zachodnim, umieranym. Unačy tempieratura składzie ad +10 da +16°S. U čaćvier tempieratura budzie vahacca ad +12 da +18°S, a ŭ piatnicu — ad +13 da +18°S.

U vychodnyja dni čakajecca pieramiennaja vobłačnaść. Miescami projduć karotkačasovyja daždžy. Unačy i ranicaj u niekatorych rajonach mahčymy tuman, bačnaść budzie źnižana da 500 mietraŭ. Viecier budzie dźmuć z paŭdniovaha zachadu i poŭdnia, jaho skoraść budzie ŭmieranaj. Vilhotnaść pavietra składzie da 80 pracentaŭ. Unačy tempieratura pavietra budzie vahacca ad +6 da +12°S, u siaredzinie dnia ŭ subotu čakajecca +11…+16°S. U niadzielu tempieratura moža padniacca da +13°S.

Kamientary

Ciapier čytajuć

Źnikły Kotaŭ vyjechaŭ z Turcyi moram — mahčyma, u bok Rasii4

Źnikły Kotaŭ vyjechaŭ z Turcyi moram — mahčyma, u bok Rasii

Usie naviny →
Usie naviny

U Barysavie źniali, jak u dvary raskašujuć pacučynyja zhrai, a kamunalniki nie reahujuć VIDEA6

U Rasii adkinuli jeŭrapiejskija prapanovy adnosna harantyj Ukrainie3

Abielskaja raskazała pra ŭnuka22

U Danii raskryli apieracyju ŭpłyvu ZŠA, skiravanuju na zachop Hrenłandyi10

Minski restaran Mon Nom paśla skarhaŭ na atručeńni zakryła sanstancyja

Pakistan abiacaje adpraŭlać u Biełaruś tolki najlepšyja kadry15

Syr padaražeŭ, pakul pakupnica dajšła da kasy5

«Heta kałonija dla niepaŭnaletnich, a nie škoła!» Baćki školnikaŭ aburajucca zabaronaj na smart-hadzińniki11

Si Czińpin pravodzić maštabnuju čystku ŭ kitajskaj armii6

bolš čytanych navin
bolš łajkanych navin

Źnikły Kotaŭ vyjechaŭ z Turcyi moram — mahčyma, u bok Rasii4

Źnikły Kotaŭ vyjechaŭ z Turcyi moram — mahčyma, u bok Rasii

Hałoŭnaje
Usie naviny →

Zaŭvaha:

 

 

 

 

Zakryć Paviedamić