Minskaje «Dynama» admoviłasia ad padtrymki fanataŭ na haściavych matčach Lihi kanfierencyj u Polščy i Finlandyi
U kłubie zajavili, što fan-siektar arhanizoŭvać nie buduć.
Minskaje «Dynama» nie budzie arhanizoŭvać haściavyja fan-siektary na vyjaznych matčach Lihi kanfierencyj u Chielsinki i Varšavie.
«Dynama» taksama nie budzie akazvać svaim zaŭziataram dapamohu ŭ kupli kvitkoŭ na hetyja hulni. Pryčyna takoha rašeńnia nie paviedamlajecca. Cikava, što ŭ viadučy telehram-kanała kłuba adklučyŭ kamientary pad pastom z hetaj navinoj.
Fanacki siektar minskaha «Dynama» z 2020 hoda aficyjna bajkatuje matčy kłuba ŭ Biełarusi. Adnak na vyjaznyja matčy bajkot, jak vyhladaje, nie raspaŭsiudžvajecca. Tak, na haściavoj hulni kvalifikacyi Lihi Jeŭropy z «Anderlechtam» niekatoryja pradstaŭniki fan-siektara «Dynama» prysutničali. Jany navat praviali pierformans u pamiać pra zahinułych za Ukrainu na vajnie dobraachvotnikaŭ-fanataŭ «Borta» i «Vołata», pisała «Trybuna».
«Dynama» nie dapamahała z vyjezdam na toj matč u Bruseli, adnak arhanizoŭvała haściavy siektar — źbirała źviestki zaŭziataraŭ, jakija źbiralisia zaniać miesca ŭ fan-siektary kłuba.
Minčuki zhulajuć ź finskim CHIKam u Chielsinki 24 kastryčnika, matč z «Lehijaj» u Varšavie pryznačany na 7 listapada. U startavaj hulni asnoŭnaha raŭnda Lihi kanfierencyj čempijony Biełarusi sastupili šatłandskamu «Chartsu» ź likam 1:2.
U hetym jeŭrasiezonie «Dynama» taksama čakajuć naminalna chatnija matčy z dackim «Kapienhahienam» (28 listapada) i paŭnočnairłandskim «Łarnam» (12 śniežnia). Chatnija hulni «Dynama» pravodzić u Azierbajdžanie biez hledačoŭ z-za abmiežavańniaŭ UEFA, nakładzienych na biełaruski futboł paśla pačatku poŭnamaštabnaj vajny.
Zavieršać asnoŭny raŭnd treciaha pa statusie jeŭrakubka minčuki vyjezdam da hrečaskaha «Panacinaikosa» 19 śniežnia.
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary