Taksama Kim Čen Yn pravioŭ naradu z vajskoŭcami i siłavikami, na jakoj zasłuchaŭ dakłady ab «surjoznaj pravakacyi parušeńnia suvierenitetu».
Paŭnočnaja Kareja padarvała ŭčastki dźviuch aŭtamabilnych daroh na zachadzie i ŭschodzie, jakija viaduć u Paŭdniovuju Kareju, paviedamlaje Yonhap sa spasyłkaj na paŭdniovakarejskich vajskoŭcaŭ.
«Paŭnočnaja Kareja padarvała ŭčastki daroh Kiondžy i Tonche na poŭnač ad vajennaj demarkacyjnaj linii kala paŭdnia», — cytuje ahienctva zajavu Abjadnanaha kamiteta načalnikaŭ štaboŭ Respubliki Kareja.
Vajskoŭcy dadali, što jany sočać za situacyjaj i ŭzmacnili nazirańnie.
Pra toje, što KNDR rychtujecca da padryvu daroh, paŭdniovakarejskija ŭłady paviedamlali napiaredadni, piša Bi-bi-si.
Raniej Pchieńjan zajaŭlaŭ, što maje namier pierakryć usie aŭtamabilnyja i čyhunačnyja šlachi, jakija viaduć na poŭdzień.
Taksama paviedamlałasia, što paŭnočnakarejskija ŭłady demantavali aśviatleńnie na darohach z svajho boku i zakłali miny ŭzdoŭž ich, a taksama razharnuli vojski — mierkavana dla ŭstalavańnia supraćtankavych zaharadžeńniaŭ i ŭmacavańnia miažy kala demilitaryzavanaj zony, jakaja raździalaje dźvie Karei.
Taksama Kim Čen Yn pravioŭ naradu z vajskoŭcami i siłavikami, na jakoj zasłuchaŭ dakłady ab «surjoznaj pravakacyi parušeńnia suvierenitetu» krainy z boku «vorahaŭ» i płanie vajennych dziejańniaŭ u adkaz, paviedamlaje CTAK.
Lidar KNDR vyznačyŭ «kirunak» mier i paznačyŭ zadačy pa «prymianieńni sił strymlivańnia».
Ciapier čytajuć
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje2
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1010
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć10
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2121
Kamientary
kruhom vrahi - eto diahnoz
a ŭ siniavokaj usio zusim inakš.